<div id="MiddleColumn_internal"> <h3 style="text-align: justify; ">तपशिल</h3> <ol style="text-align: justify; "> <li>नोंदणीकृत अशासकीय संस्थांमार्फत स्वयंसहाय्यता व बचत गटास कर्जपुरवठा करणेसाठी संस्थेला रु. ५ लाखापर्यंत कर्ज</li> <li>संस्था बचत गटातील कमीतकमी २० सदस्यांना जास्तीत जास्त रु. २५,०००/- पर्यंत कर्ज देऊ शकते. तथापि, जास्तीत जास्त सभासदांना कर्ज वितरीत करणे अपेक्षित आहे.</li> <li>या रक्कमेपैकी राष्ट्रीय महामंडळाचा सहभाग ९०%</li> <li>राज्य महामंडळाचा सहभाग ५%</li> <li>संस्थेचा / बचत गटातील सभासदांचा सहभाग ५%</li> <li>संस्थेस व लाभार्थींस ५%</li> <li>परतफेडीचा कालावधी ३ वर्षे</li> </ol> <h3 style="text-align: justify; ">अर्जदार लाभार्थीची अर्हता</h3> <ol style="text-align: justify; "> <li> लाभार्थी इतर मागासवर्गीय असावा. महाराष्ट्राचा सर्वसाधारण रहिवाशी असावा. </li> <li>त्याचे वय १८ ते ५० वर्ष असावे. </li> <li>तो कोणत्याही बँकेचा, महामंडळाचा किंवा वित्तीय संस्थेचा थकबाकीदार नसावा. </li> <li>बीज भांडवल योजने व थेट कर्ज योजनेकरिता शहरी तसेच ग्रामीण भागातील अर्जदाराचे वार्षिक उत्पन्न रु. १,००,०००/- पेक्षा कमी असावे. </li> <li>राष्ट्रीय महामंडळाच्या सर्व योजनांसाठी ग्रामीण भागातील अर्जदाराचे वार्षिक उत्पन्न रु. ९८,०००/- पेक्षा कमी तर शहरी भागातील अर्जदाराचे वार्षिक उत्पन्न रु. १,२०,०००/- पेक्षा कमी असावे.</li> <li> कुटुंबातील एकाच व्यक्तीस एकाच योजनेचा लाभ घेता येईल. </li> <li>अर्जदाराने जो व्यवसाय निवडला असेल, त्या व्यवसायाचे त्याला ज्ञान किंवा अनुभव असावा.</li> <li> कर्जाच्या अटी व शर्ती महामंडळ ठरवेल त्याप्रमाणे राहतील. </li> </ol> <h3 style="text-align: justify; ">अर्जासोबत जोडावयाच्या कागदपत्रांचा तपशिल</h3> <ol style="text-align: justify; "> <li> उत्पन्नाच्या दाखल्यासोबत सक्षम अधिकाऱ्याने तो प्रगत गटात मोडत नसल्याबाबतच्या प्रमाणपत्रांच्या साक्षांकित प्रती. २.जातीचे प्रमाणपत्र, शिधापत्रिकेची प्रमाणित प्रत, पासपोर्ट साईज फोटो. </li> <li>व्यवसाय स्थळाची भाडेपावती, करारनामा, ७/१२ चा उतारा. </li> <li>शैक्षणिक अर्हतेचे प्रमाणपत्र / जन्मतारखेचा दाखला. </li> <li>२ जामिनदारांची प्रमाणपत्रे.</li> <li> स्थानिक स्वराज्य संस्थेचे व्यवसाय करण्याबाबत “ना हरकत प्रमाणपत्र” तसेच ज्या प्रयोजनासाठी कर्ज मंजूर होणार आहे, त्या प्रयोजनासाठी त्याचा उपयोग करण्याबाबतचे कर्जदाराचे प्रतीज्ञापत्र. </li> <li>तांत्रिक व्यवसायाकरिता आवश्यक असतील असे परवाने / लायसन्स.</li> <li> व्यवसायाचा प्रकल्प अहवाल व लागणारा कच्चा माल, यंत्र सामुग्री इत्यादीचे दरपत्रक. </li> </ol> <p style="text-align: justify; ">सूचना :- अर्जदाराने मुळ प्रमाणपत्र न जोडता त्याच्या साक्षांकित प्रती जोडाव्यात.</p> <p style="text-align: justify; ">स्त्रोत - <a class="external-link ext-link-icon" href="http://www.msobcfdc.org/loan" target="_blank" title="नवीन विंडो मध्ये ओपन होणारी बाह्य साईट ">महाराष्ट्र राज्य इतर मागासवर्गीय वित्त आणि विकास महामंडळ मर्यादित</a></p> <p style="text-align: justify; "> </p> </div>