<div id="MiddleColumn_internal"> <p style="text-align: justify; ">പൌരാവകാശ സംരക്ഷണ നിയമം, 1955 (1955ലെ 22-മത് നിയമം)<span> </span></p> <p style="text-align: justify; ">തൊട്ടുകൂടായ്മ പ്രചരിപ്പിക്കുന്നതിനും പ്രവര്ത്തിക്കുന്നതിനുമുള്ള ശിക്ഷ നല്കുന്നതിനുവേണ്ടിയുളള നിയമമാണിത്.</p> <p style="text-align: justify; ">ഇന്ത്യന് റിപ്പബ്ളിക്കിന്റെ ആറാം വര്ഷത്തില് താഴെപ്പറയുംപ്രകാരം ഇത് പാര്ലമെന്റ് പാസാക്കുന്നു.</p> <h3 style="text-align: justify; "><strong> </strong><strong>ഹ്രസ്വമായ ശീര്ഷകവും വ്യാപ്തിയും ആരംഭവും</strong><strong> </strong></h3> <p style="text-align: justify; ">1. ഈ നിയമത്തെ പൌരാവകാശ സംരക്ഷണ നിയമം 1955 എന്നു വിളിക്കാവുന്നതാണ്.</p> <p style="text-align: justify; ">2. ഇന്ത്യ മുഴുവന് ഇതിന് വ്യാപ്തിയുണ്ടായിരിക്കുന്നതാണ്</p> <p style="text-align: justify; ">3. കേന്ദ്ര സര്ക്കാര് ഔദ്യോഗിക ഗസറ്റില് വിജ്ഞാപനപ്പെടുത്തുന്ന തീയതി മുതല് ഇത് പ്രാബല്യത്തില് വരുന്നതായിരിക്കും.</p> <h3 style="text-align: justify; "><strong> </strong>നിര്വചനങ്ങള്<strong> </strong></h3> <p style="text-align: justify; ">ഈ നിയമത്തില് പ്രസക്തഭാഗം മറ്റൊരു വിധത്തിലല്ലെങ്കില്, -</p> <p style="text-align: justify; "><sup><a href="https://socialjustice.gov.in/pcr-act.php?pageid=1#f5"></a></sup></p> <p style="text-align: justify; ">(a) ‘സിവില് അവകാശങ്ങള്’ എന്നാല് ഭരണഘടനയുടെ ആര്ട്ടിക്കിള് 17 മുഖേന അയിത്തം നിരോധിച്ചതിലൂടെ ഒരു വ്യക്തിക്ക് സ്വാഭാവികമായി ഉണ്ടാകുന്ന ഏതൊരു അവകാശവുമായിരിക്കും.</p> <p style="text-align: justify; ">[(aa)] “ഹോട്ടല്” എന്നാല് റിഫ്രഷ്മെന്റ് മുറിയോ ബോര്ഡിങ് കേന്ദ്രമോ ലോഡ്ജിങ് ഹൌസോ കോഫി ഹൌസോ കഫെയോ ആയിരിക്കും.</p> <p style="text-align: justify; ">[(b)] “സ്ഥലം” എന്നതുകൊണ്ട് ഒരു വീടോ കെട്ടിടമോ ഒരു വളപ്പിലെ മറ്റേതെങ്കിലും നിര്മിതിയോ ആണ് അര്ത്ഥമാക്കുന്നത്. ടെന്റും വാഹനവും ജലവാഹനവും ഇതില് ഉള്പ്പെടുന്നു.</p> <p style="text-align: justify; ">(c) പൊതുവിനോദകേന്ദ്രമെന്നാല് പൊതുജനങ്ങളെ പ്രവേശിപ്പിക്കുകയും വിനോദപരിപാടികള് ലഭ്യമാക്കുകയും നടത്തുകയും ചെയ്യുന്ന സ്ഥലമാണ്.<br /> <strong>വിശദീകരണം:</strong> ഏതെങ്കിലും തരത്തിലുള്ള പ്രദര്ശനം, കലാപ്രകടനം, ഗെയിം, കായികവിനോദം അല്ലെങ്കില് മറ്റേതെങ്കിലും തരത്തിലുള്ള വിനോദപരിപാടികളോ ഇതില് ഉള്ക്കൊള്ളുന്നു</p> <p style="text-align: justify; ">(d) “പൊതു ആരാധനാകേന്ദ്രം” എന്നതുകൊണ്ട് എന്തൊക്കെ പേരില് അറിയപ്പെട്ടാലും, പൊതുവായ മാതാരാധന നടത്തുന്നതോ, പൊതുവായി സമര്പ്പിക്കപ്പെട്ടതോ അല്ലെങ്കില് പൊതുവായി ഉപയോഗിക്കപ്പെടുന്നതോ ആയ അല്ലെങ്കില് ഏതെങ്കില് മതാനുഷ്ഠാനങ്ങള് പിന്തുടര്ന്നുവരുന്ന വ്യക്തികളുടെയോ അല്ലെങ്കില് ഏതെങ്കിലും മതത്തിന്റെയോ വിഭാഗത്തിന്റെയോ അധീനതയിലുള്ളതോ ആയ സ്ഥലമാണ് അര്ത്ഥമാക്കുന്നത്.</p> <p style="text-align: justify; ">1955 ലെ സിവില് അവകാശ സംരക്ഷണനിയമപ്രകാരം ഏതെങ്കിലും മതപരമായ ചടങ്ങ് നടത്തുന്നതിനോ അതിനുള്ളില് പ്രാര്ത്ഥന അര്പ്പിക്കുന്നതിനോ ഉള്ള സ്ഥലമാണിത്. അതില് താഴെപ്പറയുന്നവ ഉള്ക്കൊള്ളുന്നു -</p> <ol style="text-align: justify; "> <li> i. അത്തരം സ്ഥലങ്ങളുടെ അനുബന്ധമോ ബന്ധപ്പെട്ടതോ ആയ എല്ലാ സ്ഥലങ്ങളും ഉപ ആരാധനകേന്ദ്രങ്ങളും, </li> <li> ii. പൊതു ആരാധനാസ്ഥലമായി ഉപയോഗിക്കാന് സ്ഥലമുടമ അനുവദിച്ചിട്ടുള്ള സ്വകാര്യ ഉടമസ്ഥതയിലുള്ള ആരാധനാസ്ഥലം, </li> <li> iii. പൊതു ആരാധനാസ്ഥലമായി ഉപയോഗിക്കാന് സ്ഥലമുടമ അനുവദിച്ചിട്ടുള്ള സ്വകാര്യ ഉടമസ്ഥതയിലുള്ള ആരാധനാസ്ഥലത്തോട് അനുബന്ധമായി കൂട്ടിച്ചേര്ത്തിരിക്കുന്ന സ്ഥലമോ അനുബന്ധ ആരാധനാലയമോ. </li> </ol> <p style="text-align: justify; ">(da) “നിര്ദിഷ്ടം” എന്നതുകൊണ്ട് ഈ ആക്ടിലുള്ള റൂളുകളാല് നിര്ദേശിച്ചിട്ടുള്ളത് എന്നാണര്ത്ഥം;</p> <p style="text-align: justify; ">(db) “പട്ടികജാതികള്” എന്നതുകൊണ്ട് ഭരണഘടനയിലെ ആര്ട്ടിക്കിള് 366 ലുള്ള ഉപവാക്യം (24)ല് സൂചിപ്പിച്ചിട്ടുള്ള അര്ത്ഥമാണ് ഉദ്ദേശിക്കുന്നത്.]</p> <p style="text-align: justify; ">(e) “കട” എന്നതുകൊണ്ട് മൊത്തവില്പനയ്ക്കോ ചില്ലറവില്പനയ്ക്കോ അല്ലെങ്കില് രണ്ടിനും കൂടിയോ ഉള്ള സ്ഥലമാണ് എന്നാണ് അര്ത്ഥമാക്കുന്നത്. ഇതില് താഴെപ്പറയുന്നവയും ഉള്പ്പെടുന്നു:</p> <p style="text-align: justify; ">1. ഒരു വ്യാപാരി അല്ലെങ്കില് കച്ചവടക്കാരന് സാധനങ്ങള് വില്ക്കുന്ന സ്ഥലം അല്ലെങ്കില് ഒരു മൊബൈല് വാനില്നിന്ന് അല്ലെങ്കില് സാധനങ്ങള് വില്ക്കുന്ന സ്ഥലം</p> <p style="text-align: justify; ">2. വസ്ത്രങ്ങള് അലക്കിക്കൊടുക്കുന്ന സ്ഥാപനം അല്ലെങ്കില് മുടിവെട്ടുന്ന സലൂണ്</p> <p style="text-align: justify; ">3. ഉപയോക്താക്കള്ക്ക് സേവനങ്ങള് എത്തിച്ചുകൊടുക്കുന്ന മറ്റേതെങ്കിലും സ്ഥലം].</p> <h3 style="text-align: justify; "><strong> </strong><strong>മതപരമായ വികലത നടപ്പാക്കുന്നതിനുള്ള ശിക്ഷ</strong><strong> </strong></h3> <p style="text-align: justify; ">“അയിത്തത്തിന്റെ” പശ്ചാത്തലത്തില് ആരൊക്കെയാണോ ഒരാളെ താഴെപ്പറയുന്നവയില്നിന്ന് തടയുന്നത്-</p> <p style="text-align: justify; ">a. ഒരേ മതത്തിലെയോ അല്ലെങ്കില് വിഭാഗത്തിലെയോ ആളുകള് ക്കായി ഉള്ള പൊതു ആരാധനാസ്ഥലങ്ങളില് എത്തുന്ന വ്യക്തിയെ; അല്ലെങ്കില്</p> <p style="text-align: justify; ">b. പൊതു ആരാധനയോ ഏതെങ്കിലും വിശുദ്ധമായ കുളത്തില്നിന്നോ കിണറില്നിന്നോ അരുവിയില് നിന്നോ അല്ലെങ്കില് ജലപ്രവാഹത്തില്നിന്നോ (പുഴയോ അല്ലെങ്കില് തടാകത്തില്നിന്നോ അത്തരം കുളത്തിന്റയോ ജലപ്രവാഹത്തിന്റയോ നദിയുടെയോ തടാകത്തിന്റയോ ഏതെങ്കിലും സ്നാനഘട്ടത്തില്നിന്നുള്ള കുളി) സ്നാനമോ അതേ മതത്തിലുള്ള മറ്റു വ്യക്തികള്ക്ക് അനുവദനീയമായ രീതിയിലും വ്യാപ്തിയിലും ചെയ്യുന്നത് തടയുന്ന വ്യക്തിയെ</p> <p style="text-align: justify; ">[ഇവര്ക്ക് കുറഞ്ഞത് ഒരുമാസവും കൂടിയത് ആറുമാസവും തടവും കുറഞ്ഞത് നൂറു രൂപയും കൂടിയത് അഞ്ഞൂറു രൂപയും പിഴ ഉള്ള ശിക്ഷ നല്കുന്നതാണ്]</p> <p style="text-align: justify; "><strong>വിശദീകരണം: </strong>ഈ വിഭാഗത്തിന്റെ ആവശ്യകതയിലേയ്ക്ക് ബുദ്ധ, സിക്ക് അല്ലെങ്കില് ജൈനമതങ്ങളില് വിശ്വസിക്കുന്ന സെക്ഷന് 4 പ്രകാരമുളള വ്യക്തികളെയും വീരശൈവര്, ലിംഗായത്തുകള്, ആദിവാസികള് എന്നിവരും ബ്രഹ്മോ, പ്രാര്ത്ഥന, ആര്യസമാജ്, സ്വാമിനാരായണ് സമ്പ്രദായ് എന്നിവയുടെ പിന്ഗാമികളും ഉള്പ്പെടെ ഹിന്ദുമതത്തിന്റെ വിവിധ രൂപങ്ങളില് വിശ്വസിക്കുന്നവരെയും ഹിന്ദുക്കളായി കണക്കാക്കുന്നതാണ്.</p> <h3 style="text-align: justify; ">സാമുഹികവികലത നടപ്പാക്കുന്നതിനുള്ള ശിക്ഷ</h3> <p style="text-align: justify; ">“തൊട്ടുകൂടായ്മ” യുടെ പശ്ചാത്തലത്തില് താഴെപ്പറയുന്നത് സംബന്ധിച്ച് ഒരു വ്യക്തിക്കെതിരെ ഏതെങ്കിലും വികലത കാണിക്കുന്നവരാണ് ഇതിന് കീഴില് വരുന്നത് -</p> <ol style="text-align: justify; "> <li>ഏതെങ്കിലും വ്യാപാരശാല, പൊതു റസ്റ്റോറന്റ്, ഹോട്ടല് അല്ലെങ്കില് പൊതുവിനോദകേന്ദ്രം എന്നിവിടങ്ങളില് പോകുന്നത് തടയല് ; അല്ലെങ്കില് </li> <li>പൊതുഉപയോഗത്തിനുവേണ്ടി അല്ലെങ്കില് ഏതെങ്കിലും വിഭാഗത്തിന്റെ ഉപയോഗത്തിനുവേണ്ടി, ഏതെങ്കിലും പൊതു റസ്റ്റോറന്റ്, ഹോട്ടല്, <strong>ധര്മശാല</strong><strong>, </strong><strong>സാരൈ</strong><strong>,</strong><strong> </strong><strong> </strong><strong>മുസാഫിര്ഖാന</strong> എന്നിവയില് സൂക്ഷിച്ചിട്ടുള്ള ഉപകരണങ്ങളുടെയും മറ്റു വസ്തുക്കളുടെയും ഉപയോഗം; അല്ലെങ്കില് </li> <li>ഏതെങ്കിലും ജോലി അനുഷ്ടിക്കുന്നതിനോ അല്ലെങ്കില് ഏതെങ്കിലും തൊഴിലോ വ്യാപാരമോ അല്ലെങ്കില് ബിസിനസോ നിര്വഹിക്കുന്നതിനോ; അല്ലെങ്കില് </li> <li>ഏതെങ്കിലും നദി, അരുവി, ഉറവ, കുളം, കിണര്, വെള്ളത്തിന്റെ പാത്രം, വാട്ടര് ടാപ്പ്, അല്ലെങ്കില് മറ്റേതെങ്കിലും വെള്ളം നല്കുന്ന സ്ഥലം, അല്ലെങ്കില് ഏതെങ്കിലും സ്നാനഘട്ടം, സംസ്കാരസ്ഥലം അല്ലെങ്കില് ശ്മശാനം, ശുചിത്വസംവിധാനങ്ങള്, ഏതെങ്കിലും റോഡ്, അല്ലെങ്കില് വഴി, അല്ലെങ്കില് പൊതുജനത്തിലെ മറ്റു വിഭാഗങ്ങള്ക്ക് ഉപയോഗിക്കുന്നതും ഉപയോഗിക്കാന് അവകാശമുള്ളതും പ്രാപിക്കാന് കഴിയുന്നതുമായ ഏതെങ്കിലും പൊതു സുഖവാസകേന്ദ്രം എന്നിവയുടെ ഉപയോഗം.; അല്ലെങ്കില് </li> <li>സര്ക്കാര് ഫണ്ടുകള്കൊണ്ട് പൂര്ണമായും ഭാഗികമായും നിലനിര്ത്തുന്ന കാരുണ്യപരമായതോ പൊതുഉപയോഗത്തിനുവേണ്ടിയുള്ളതോ ആയതും പൊതുജനത്തിന്റെയോ അതിലൊരു വിഭാഗത്തിന്റെയോ ഉപയോഗത്തിനായി സമര്പ്പിക്കപ്പെട്ടിട്ടുള്ളതുമായ ഏതെങ്കിലും സ്ഥലത്തിന്റെ ഉപയോഗവും ലഭ്യതയും; അല്ലെങ്കില് </li> <li>പൊതുജനത്തിന്റെയോ അതിലൊരു വിഭാഗത്തിന്റെയോ പ്രയോജനത്തിനായി സൃഷ്ടിക്കപ്പെട്ടിട്ടുള്ള ചാരിറ്റബിള് ട്രസ്റ്റിന്റെ കീഴിലുള്ള ആനുകൂല്യങ്ങളുടെ ആസ്വാദനം ; അല്ലെങ്കില് </li> <li>പൊതുയാത്രമാര്ഗങ്ങളുടെ ഉപയോഗവും ലഭ്യതയും; അല്ലെങ്കില് </li> <li>ഏതെങ്കിലും പ്രദേശത്ത് ഏതെങ്കിലും താമസസൌകര്യത്തിന്റെ നിര്മാണമോ ഏറ്റെടുക്കലോ തൊഴില് ചെയ്യലോ; അല്ലെങ്കില് </li> <li>പൊതുസമൂഹത്തിനോ അതിലെ ഏതെങ്കിലും വിഭാഗത്തിനോ വേണ്ടി തുറന്നിട്ടിട്ടുള്ള ഏതെങ്കിലും ധര്മശാല, സാരൈ അല്ലെങ്കില് മുസാഫിര്ഖാന എന്നിവയുടെ ഉപയോഗം]; അല്ലെങ്കില് </li> <li>ഏതെങ്കിലും സാമൂഹികമായ അല്ലെങ്കില് മതപരമായ അനുഷ്ഠാനമോ ഉപയോഗമോ ചടങ്ങോ ആചരിക്കുക (അല്ലെങ്കില് ഏതെങ്കിലും മതപരമായ, സാമുഹികമായ, സാംസ്കാരികമായ ഘോഷയാത്രയില് പങ്കെടുക്കുന്നത്)]; അല്ലെങ്കില് </li> <li>ആഭരണങ്ങളുടെയോ വസ്ത്രങ്ങളുടെയോ ഉപയോഗം.</li> <li></li> </ol> <p style="text-align: justify; ">[ഇവര്ക്ക് കുറഞ്ഞത് ഒരുമാസവും കൂടിയത് ആറുമാസവും തടവും കുറഞ്ഞത് നൂറു രൂപയും കൂടിയത് അഞ്ഞൂറു രൂപ പിഴയും ശിക്ഷ നല്കുന്നതാണ്].</p> <p style="text-align: justify; ">[<strong>വിശദീകരണം</strong> ഈ വകുപ്പിന്റെ ആവശ്യകതയിലേയ്ക്കായി ഏതെങ്കിലും തടയലിന്റെ നടത്തിപ്പ് എന്നതില് “തൊട്ടുകൂടായ്മ”യുടെ പശ്ചാത്തലത്തിലുള്ള ഏതെങ്കിലും വിവേചനവും ഉള്ക്കൊള്ളുന്നു].</p> <h3 style="text-align: justify; ">ആശുപത്രികള് മുതലായവയില് വ്യക്തികളെ പ്രവേശിപ്പിക്കുന്നത് നിരസിക്കുന്നതിനുള്ള ശിക്ഷ</h3> <p style="text-align: justify; ">“തൊട്ടുകൂടായ്മ”യുടെ പശ്ചാത്തലത്തില് താഴെപ്പറയുന്നവരെ -</p> <ol style="text-align: justify; "> <li>പൊതുജനത്തിനുവേണ്ടിയോ അതിലെ ഏതെങ്കിലുമൊരു വിഭാഗത്തിനുവേണ്ടിയോ പ്രയോജനപ്പെടുംവിധം സ്ഥാപിക്കപ്പെട്ടതും അല്ലെങ്കില് നിലനിര്ത്തുന്നതുമായ ആശുപത്രി, ഡിസ്പെന്സറി, വിദ്യാഭ്യാസസ്ഥാപനങ്ങള് അല്ലെങ്കില് ഹോസ്റ്റല് എന്നിവയില് ഏതെങ്കിലും വ്യക്തിക്ക് പ്രവേശനം നിഷേധിക്കുന്നവര്; അല്ലെങ്കില് </li> </ol> <p style="text-align: justify; ">b. മുകളില്പ്പറഞ്ഞിട്ടുള്ള സ്ഥാപനങ്ങളില് പ്രവേശിക്കപ്പെട്ടതിനുശേഷം അത്തരം വ്യക്തികളെ വിവേചിക്കുന്നവിധത്തില് ഏതെങ്കിലും പ്രവൃത്തി ചെയ്യുന്നവര്</p> <p style="text-align: justify; ">ഇവര്ക്ക് കുറഞ്ഞത് ഒരുമാസവും കൂടിയത് ആറുമാസവും തടവും കുറഞ്ഞത് നൂറു രൂപയും കൂടിയത് അഞ്ഞൂറു രൂപയും ശിക്ഷ നല്കുന്നതാണ്.</p> <h3 style="text-align: justify; "><strong> </strong><strong>വസ്തുക്കള് വില്ക്കുന്നതോ സേവനങ്ങള് ലഭ്യമാക്കുന്നതോ നിഷേധിക്കുന്നതിനുള്ള ശിക്ഷ</strong></h3> <p style="text-align: justify; ">വ്യാപാരപ്രവര്ത്തനങ്ങള്ക്കിടെ ഒരാള്ക്ക് ഏതെങ്കിലും സാധനങ്ങള് വില്ക്കുകയും സേവനങ്ങള് ലഭ്യമാക്കുകയും അതേസമയം തൊട്ടുകൂടായ്മയുടെ പശ്ചാത്തലത്തില് മറ്റൊരുവന് അതേ സാധനങ്ങളും സേവനങ്ങളും അതേവ്യവസ്ഥയില് നല്കുന്നത് നിഷേധിക്കുകയും ചെയ്യുന്നത് കുറഞ്ഞത് ഒരുമാസവും കൂടിയത് ആറുമാസവും തടവും കുറഞ്ഞത് നൂറു രൂപയും കൂടിയത് അഞ്ഞൂറു രൂപയും പിഴയും ലഭിക്കാവുന്ന കുറ്റമാണ്].</p> <h3 style="text-align: justify; "><strong> </strong><strong>“</strong><strong>തൊട്ടുകൂടായ്മ</strong><strong>”</strong><strong>യുടെ പശ്ചാത്തലത്തില് ഉയര്ന്നുവരുന്ന മറ്റു കുറ്റങ്ങള്ക്കുള്ള ശിക്ഷ</strong></h3> <p style="text-align: justify; ">a. ഭരണഘടനയുടെ ആര്ട്ടിക്കിള് 17 പ്രകാരം “തൊട്ടുകൂടായ്മ” നിരോധിച്ചിരിക്കുന്നതിനാല്, ഒരുവന് സിദ്ധിച്ച അവകാശങ്ങള് പ്രയോഗിക്കുന്നതില്നിന്ന് ഒരു വ്യക്തിയെ തടയുന്നത്; അല്ലെങ്കില്</p> <p style="text-align: justify; ">b. അത്തരം അവകാശം പ്രയോഗിക്കുന്നത് തടയുന്നതിന് ഇടയാക്കും വിധം ശ്രമിക്കുകയും കാരണമുണ്ടാക്കുകയും അല്ലെങ്കില് ഒരുവനെ മാനഭംഗപ്പെടുത്തുകയും പരുക്കേല്പ്പിക്കുകയും ശല്യപ്പെടുത്തുകയും തടസപ്പെടുത്തുകയും ചെയ്യുകയോ അല്ലെങ്കില് അത്തരം അവകാശം പ്രയോഗിക്കുമ്പോള് അത് തടയുന്നതിന് ഇടയാക്കും വിധം ശ്രമിക്കുകയും കാരണമുണ്ടാക്കുകയും അല്ലെങ്കില് ഒരുവനെ മാനഭംഗപ്പെടുത്തുകയും പരുക്കേല്പ്പിക്കുകയും ശല്യപ്പെടുത്തുകയും തടസപ്പെടുത്തുകയും ചെയ്യുന്നതും; അല്ലെങ്കില്</p> <p style="text-align: justify; ">c. ഏതെങ്കിലും രൂപത്തില് “തൊട്ടുകൂടായ്മ” നടപ്പാക്കുന്നതിന് ഏതെങ്കിലും വ്യക്തിയെയോ ഒരു കൂട്ടം വ്യക്തികളെയോ അല്ലെങ്കില് പൊതുജനങ്ങളെയോ എഴുതുന്നതോ അല്ലെങ്കില് പറയുന്നതോ ആയ വാക്കുകള് കൊണ്ടോ അല്ലെങ്കില് അടയാളങ്ങള്കൊണ്ടോ കാണാവുന്ന പ്രതീകങ്ങള്കൊണ്ടോ അല്ലെങ്കില് മറ്റെന്തെങ്കിലും കൊണ്ടോ പ്രലോഭിപ്പിക്കുകയോ പ്രോത്സാഹിപ്പിക്കുകയോ ചെയ്യുന്നത്; അല്ലെങ്കില്</p> <p style="text-align: justify; "><span>d. ഏതെങ്കിലും പട്ടികജാതിസമുദായംഗത്തെ “തൊട്ടുകൂടായ്മ” യുടെ പശ്ചാത്തലത്തില് ഉപദ്രവിക്കുകയോ ഉപദ്രവിക്കാന് ശ്രമിക്കുകയോ ചെയ്യുന്നത്]</span></p> <p style="text-align: justify; ">ഇവര്ക്ക് കുറഞ്ഞത് ഒരുമാസവും കൂടിയത് ആറുമാസവും തടവും കുറഞ്ഞത് നൂറു രൂപയും കൂടിയത് അഞ്ഞൂറു രൂപയും പിഴയും ശിക്ഷ നല്കുന്നതാണ്].</p> <p style="text-align: justify; "><strong>വിശദീകരണം 1.</strong> ഒരു വ്യക്തി മറ്റൊരാളെ ബഹിഷ്കരിക്കുന്നതായി കാണുന്നത് താഴെപ്പറയുന്ന സാഹചര്യങ്ങളിലാണ് -</p> <p style="text-align: justify; ">a. അത്തരം വ്യക്തിയെ ഏതെങ്കിലും വീട്ടിലോ ഭൂമിയിലോ കടക്കാന് അനുവദിക്കുന്നത് നിഷേധിക്കുകയും അല്ലെങ്കില് അത് ഉപയോഗിക്കുന്നതോ താമസിക്കുന്നതോ തടയുകയും അല്ലെങ്കില് അത്തരം വ്യക്തിയുമായി ഇടപെടാനും ജോലി ചെയ്യാനും ബിസിനസ് ചെയ്യാനും വിസമ്മതിക്കുകയും അല്ലെങ്കില് ആ വ്യക്തിക്ക് ഏതെങ്കിലും മാമൂല് പ്രകാരമുള്ള സേവനം ലഭ്യമാക്കുകയും അല്ലെങ്കില് അവ സ്വീകരിക്കുകയും അല്ലെങ്കില് സാധാരണജീവിതത്തില് പതിവായി ചെയ്യുന്ന ഉപാധികള് ചെയ്യാന് വിസമ്മതിക്കുകയും ചെയ്യുന്നത്; അല്ലെങ്കില്</p> <p style="text-align: justify; ">b. അത്തരം വ്യക്തിയുമായി അയാള് സാധാരണഗതിയില് നിലനിര്ത്തേണ്ടതായ സാമൂഹികവും തൊഴില്പരവും ബിസിനസ് പരവുമായ ബന്ധങ്ങളില്നിന്ന് വിട്ടുനില്ക്കുന്നത്.</p> <p style="text-align: justify; "> </p> <p style="text-align: justify; "><strong>വിശദീകരണം 2 </strong>ഉപവിഭാഗം സിയുടെ ആവശ്യകതയിലേയ്ക്കായി “തൊട്ടുകൂടായ്മ” പാലിക്കാന് പ്രേരിപ്പിക്കുകയോ അല്ലെങ്കില് പ്രോത്സാഹിപ്പിക്കുകയോ ചെയ്യുന്നത് താഴെപ്പറയും പ്രകാരമായിരിക്കും -</p> <ol style="text-align: justify; "> <li> i. “തൊട്ടുകൂടായ്മ” പ്രത്യക്ഷമായോ പരോക്ഷമായോ പ്രചരിപ്പിക്കുകയും അല്ലെങ്കില് ഏതെങ്കിലും രൂപത്തില് അത് പ്രവര്ത്തിക്കുകയും ചെയ്യുകയാണെങ്കില്; അല്ലെങ്കില് </li> <li> ii. “തൊട്ടുകൂടായ്മ” ഏതെങ്കിലും തരത്തില് നടത്തുന്നതിനെ ചരിത്രപരമായോ തത്വശാസ്ത്രപരമായോ അല്ലെങ്കില് മതപരമോ ആയ പശ്ചാത്തലത്തിലോ അല്ലെങ്കില് ഏതെങ്കിലും ജാതിവ്യവസ്ഥയുടെ പാരമ്പര്യത്തിന്റെ പശ്ചാത്തലത്തിലോ മറ്റേതെങ്കിലും തരത്തിലോ ന്യായീകരിക്കുകയാണെങ്കില് </li> </ol> <p style="text-align: justify; "> </p> <p style="text-align: justify; ">[(IA) ഭരണഘടനയുടെ ആര്ട്ടിക്കിള് 17 പ്രകാരം “തൊട്ടുകൂടായ്മ” നിരോധിച്ചിരിക്കുന്നതിലൂടെ ഒരാള്ക്ക് സിദ്ധിച്ച അവകാശങ്ങള് പ്രയോഗിച്ചതിന്റെ പ്രതികാരമായോ പ്രതികരണമായോ ആ വ്യക്തിക്കെതിരായോ അയാളുടെ വസ്തുവകകള്ക്കെതിരായോ എന്തെങ്കിലും കുറ്റകൃത്യങ്ങള് ചെയ്യുകയാണെങ്കില് ആ കുറ്റം രണ്ടുവര്ഷത്തില് കൂടാത്ത തടവുശിക്ഷയ്ക്ക് അര്ഹമാണെങ്കിലും അത് രണ്ടുവര്ഷത്തില് കുറയാത്ത തടവും പിഴയുമായി ശിക്ഷിക്കപ്പെടാവുന്നതാണ്.]</p> <p style="text-align: justify; ">2. ആരൊക്കെ -</p> <ol style="text-align: justify; "> <li> i. തന്റെ സമുദായത്തിനോ അതിന്റെ ഒരു വിഭാഗത്തിനോ അവകാശപ്പെട്ട ഏതെങ്കിലും അവകാശമോ വിശേഷാധികാരമോ അതേ സമുദായത്തിലോ വിഭാഗത്തിലോ ഉള്ളയാള് നിഷേധിക്കുമ്പോഴോ, അല്ലെങ്കില് </li> <li> ii. ഒരു വ്യക്തി “തൊട്ടുകുടായ്മ” പാലിക്കാന് വിസമ്മതിക്കുകയോ അല്ലെങ്കില് ഈ ആക്ടിനെ പോഷിപ്പിക്കുംവിധം മറ്റെന്തെങ്കിലും പ്രവൃത്തി ചെയ്യുകയോ ചെയ്യുന്നതിന്റെ പശ്ചാത്തലത്തില് ആ വ്യക്തിയെ ഭൃഷ്ട് കല്പ്പിക്കുന്നതില് പങ്കെടുക്കുമ്പോഴോ </li> </ol> <p style="text-align: justify; ">[ഇവര്ക്ക് കുറഞ്ഞത് ഒരുമാസവും കൂടിയത് ആറുമാസവും തടവും കുറഞ്ഞത് നൂറു രൂപയും കൂടിയത് അഞ്ഞൂറു രൂപ പിഴയും ശിക്ഷ നല്കുന്നതാണ്].</p> <p style="text-align: justify; "><strong>7A. </strong><strong>നിയമവിരുദ്ധവും നിര്ബന്ധപൂര്വുമായ തൊഴില് </strong><strong>ചെയ്യിക്കല് “അയിത്തം” പാലിക്കലായി കണക്കാക്കുന്നതാണ് </strong><strong> </strong></p> <p style="text-align: justify; ">1. തൊട്ടുകൂടായ്മയുടെ പശ്ചാത്തലത്തില് തോട്ടിവേല ചെയ്യാനോ തൂപ്പുജോലി ചെയ്യാനോ അല്ലെങ്കില് ഏതെങ്കിലും മൃതദേഹം നീക്കം ചെയ്യാനോ ഏതെങ്കിലും മൃഗത്തിന്റെ തോലുരിയാനോ പൊക്കിള്കൊടി നീക്കം ചെയ്യാനോ അല്ലെങ്കില് സമാന സ്വഭാവത്തിലുള്ള മറ്റേതെങ്കിലും ജോലി ചെയ്യാനോ ഏതെങ്കിലും വ്യക്തി നിര്ബന്ധിക്കുകയാണെങ്കില് ആ വ്യക്തി തൊട്ടുകൂടായ്മയില്നിന്ന് ഉണ്ടാകുന്ന വികലത കാണിക്കുന്നതായി അനുമാനിക്കുന്നതായിരിക്കും.</p> <p style="text-align: justify; ">ഉപവകുപ്പ് (1) പ്രകാരം തൊട്ടുകൂടായ്മയില്നിന്നുണ്ടാകുന്ന വികലത പ്രാബല്യത്തില് വരുത്താന് ശ്രമിക്കുന്നതായി കാണുകയാണെങ്കില് മൂന്നുമാസത്തില് കുറയാത്തതും ആറുമാസത്തില് അധികമാകാത്തതുമായ കാലത്തേക്ക് തടവും കുറഞ്ഞത് നൂറു രൂപ മുതല് കൂടിയത് അഞ്ഞൂറു രൂപവരെയുള്ള പിഴയും ശിക്ഷിക്കുന്നതാണ്.</p> <p style="text-align: justify; "><strong>വിശദീകരണം</strong> : ഈ സെക്ഷന്റെ ആവശ്യകതയിലേയ്ക്കായി പ്രേരണ എന്ന വാക്കില് സാമൂഹിക അല്ലെങ്കില് സാമ്പത്തിക ബഹിഷ്കരണത്തിനുള്ള ഭീഷണിയും ഉള്പ്പെടുന്നു.]</p> <h3 style="text-align: justify; "><strong> </strong><strong>ചില കേസുകളില</strong><strong>്</strong><strong> ലൈസന്സുകളുടെ റദ്ദാക്കലും സസ്പെ</strong>ന്റ്<strong> ചെയ്യലും</strong></h3> <p style="text-align: justify; ">സെക്ഷന് 6 പ്രകാരമുള്ള കുറ്റത്തിന് ശിക്ഷിക്കപ്പെടുന്ന ഒരു വ്യക്തിക്ക് ആ സമയത്ത് കുറ്റകൃത്യവുമായി ബന്ധപ്പെട്ട് ഏതെങ്കിലും പ്രൊഫഷന്, വ്യാപാരം, ജോലി എന്നിവ സംബന്ധമായി ഏതെങ്കിലും നിയമപ്രകാരം ഏതെങ്കിലും ലൈസന്സ് ഉള്ളപക്ഷം, കുറ്റവിചാരണ ചെയ്യുന്ന കോടതിക്ക് ഈ സെക്ഷന് പ്രകാരം ആ വ്യക്തിക്ക് ബാധ്യതയുള്ള മറ്റേതെങ്കിലും പിഴയെക്കുറിച്ചുള്ള മുന്വിധി കൂടാതെ, കോടതിക്ക് അനുയോജ്യമെന്ന് തോന്നുന്ന കാലത്തേയ്ക്ക് ആ ലൈസന്സ് റദ്ദാക്കാനോ സസ്പെന്ഡ് ചെയ്യാനോ കഴിയുന്നതാണ്. അങ്ങനെ റദ്ദാക്കുന്നതോ അല്ലെങ്കില് സസ്പെനന്റ് ചെയ്യുന്നതോ ആയ ഓരോ ഉത്തരവും ഏതെങ്കിലും നിയമപ്രകാരം അത്തരം ലൈസന്സ് റദ്ദാക്കുകയോ അല്ലെങ്കില് സസ്പെന്റ് ചെയ്യുകയോ ചെയ്യുന്നതിന് അധികാരമുള്ള അധികാരി പാസാക്കിയതിന് തുല്യമായ ഫലമുണ്ടായിരിക്കുന്നതാണ്.</p> <p style="text-align: justify; ">വിശദീകരണം - ഈ സെക്ഷനില് “ലൈസന്സ്” എന്നതുകൊണ്ട് പെര്മിറ്റ് അല്ലെങ്കില് അനുമതി ഉള്ക്കൊള്ളുന്നു.</p> <h3 style="text-align: justify; ">സര്ക്കാര് നടത്തിയിട്ടുള്ള ഗ്രാന്റുകളുടെ പുനരാരംഭം അല്ലെങ്കില് സസ്പെന്ഷന്</h3> <p style="text-align: justify; ">സര്ക്കാരില്നിന്ന് ഗ്രാന്റായി ഭൂമിയോ പണമോ ലഭിച്ചിട്ടുള്ള ഏതെങ്കിലും പൊതു ആരാധനകേന്ദ്രത്തിന്റെയോ അല്ലെങ്കില് ഏതെങ്കിലും വിദ്യാഭ്യാസ സ്ഥാപനത്തിന്റെയോ അല്ലെങ്കില് ഹോസ്റ്റലിന്റെയോ മാനേജര് അല്ലെങ്കില് ട്രസ്റ്റ് ഈ ആക്ട് പ്രകാരമുള്ള ഒരു കുറ്റത്തിന് ശിക്ഷിക്കപ്പെടുന്നുവെങ്കില് അത്തരം ശിക്ഷ ഏതെങ്കിലും അപ്പീലിലോ റിവിഷനിലോ മാറ്റുകയോ റദ്ദാക്കുകയോ ചെയ്യാത്തപക്ഷം, കേസിന്റെ സാഹചര്യങ്ങള് അനന്തര നടപടി ആവശ്യപ്പെടുന്നുണ്ടെന്ന് സര്ക്കാരിന് അഭിപ്രായമുണ്ടെങ്കില് അത്തരം ഗ്രാന്റ് മുഴുവനായോ ഭാഗികമായോ സസ്പെന്റ് ചെയ്യാനോ പുനരാരംഭിക്കാനോ സര്ക്കാരിന് നിര്ദേശിക്കാവുന്നതാണ്</p> <h3 style="text-align: justify; ">കുറ്റകൃത്യങ്ങള്ക്കുള്ള പ്രേരണ</h3> <p style="text-align: justify; ">ഈ ആക്ട് പ്രകാരമുള്ള ഏതെങ്കിലും കുറ്റകൃത്യത്തിന് ആരെങ്കിലും പ്രേരണ നല്കുകയാണെങ്കില് അതേ കുറ്റത്തിനുള്ള ശിക്ഷ തന്നെ അയാള്ക്കും ലഭിക്കുന്നതാണ്.</p> <p style="text-align: justify; ">[<strong>വിശദീകരണം</strong> - ഈ ആക്ട് പ്രകാരം ശിക്ഷിക്കപ്പെടാവുന്ന ഏതെങ്കിലും കുറ്റകൃത്യം സംബന്ധിച്ച അന്വേഷണത്തില് മന:പൂര്വം പബ്ളിക് സര്വന്റ് വീഴ്ച വരുത്തുകയാണെങ്കില് അത് ഈ ആ്ക്ട് പ്രകാരം ശിക്ഷിക്കപ്പെടാവുന്ന കുറ്റകൃത്യമായി അനുമാനിക്കുന്നതാണ്.]</p> <p style="text-align: justify; ">10A. കൂട്ടായ പിഴ ചുമത്താന് സംസ്ഥാന സര്ക്കാരിനുള്ള അധികാരം</p> <ol style="text-align: justify; "> <li>നിര്ദിഷ്ട മാതൃകയില് നടത്തുന്ന അന്വേഷണത്തിനുശേഷം ഈ ആക്ടിന് കീഴില് ശിക്ഷിക്കപ്പെടാവുന്ന ഏതെങ്കിലും കുറ്റകൃത്യത്തില് ഈ മേഖലയിലെ ജനം പങ്കാളികളാകുകയോ അല്ലെങ്കില് കുറ്റകൃത്യം ചെയ്യുന്നതിന് പ്രേരണ നല്കുകയോ അതുമല്ലെങ്കില് അത്തരം കുറ്റകൃത്യങ്ങള് ചെയ്യുന്നതുമായി ബന്ധപ്പെട്ട വ്യക്തികള്ക്ക് അഭയം നല്കുകയോ അല്ലെങ്കില് തങ്ങളുടെ അധികാരം ഉപയോഗിച്ച് അവരെ കണ്ടെത്തുന്നതിനോ കുറ്റവാളിയെയോ കുറ്റവാളികളേയോ പിടികൂടുന്നതിനോ ഉള്ള എല്ലാ രീതിയിലുമുള്ള സഹായം നല്കുന്നതില് പരാജയപ്പെടുകയോ അല്ലെങ്കില് അത്തരം കുറ്റകൃത്യം ചെയ്തതിന്റെ ഭൌതികമായ തെളിവ് ഒളിപ്പിച്ചുവെക്കുകയോ ചെയ്തതായി സംസ്ഥാന സര്ക്കാരിന് ബോധ്യമാകുകയാണെങ്കില് ഔദ്യോഗിക ഗസറ്റിലെ വിജ്ഞാപനത്തിലൂടെ സംസ്ഥാന സര്ക്കാരിന് അവിടത്തെ സ്ഥിരവാസികള്ക്ക് കൂട്ടായ പിഴ ചുമത്താവുന്നതാണ്. മൊത്തമായി അടയ്ക്കാന് ബാധ്യസ്ഥരായ സ്ഥിരനിവാസികള്ക്ക് ആ പിഴ വിഭജിച്ചുകൊടുക്കുകയും ആ വിഭജനം സ്ഥിരനിവാസികളുടെ വരുമാനം സംബന്ധിച്ച് സംസ്ഥാന സര്ക്കാരിനുള്ള വിധിതീര്പ്പിന് അനുസരിച്ചുള്ളതുമായിരിക്കും. അത്തരം വിഭജനം നടത്തുമ്പോള് അതിലൊരു ഭാഗം ഒരു അവിഭക്ത ഹിന്ദു കുടുംബത്തിന് അടയ്ക്കാനാവുംവിധം സംസ്ഥാന സര്ക്കാരിന് ചുമതലപ്പെടുത്താവുന്നതാണ്. ഇതുസംബന്ധമായി ഉപവകുപ്പ് (3) പ്രകാരം സമര്പ്പിച്ചിട്ടുള്ള ഹര്ജിയില് തീര്പ്പാകുന്നതുവരെ വിഭജിക്കപ്പെട്ട പിഴ ഏതെങ്കിലും സ്ഥലവാസിയില്നിന്ന് വാങ്ങാനാവില്ലെന്നും വ്യവസ്ഥ ചെയ്തിരിക്കുന്നു. </li> <li>സബ് സെക്ഷന് (I) പ്രകാരം നടത്തിയിട്ടുള്ള വിജ്ഞാപനം ആ മേഖലയില് ചെണ്ട കൊട്ടിയോ അല്ലെങ്കില് മേല്പ്പറഞ്ഞ മേഖലയിലെ അന്തേവാസികളുടെ ശ്രദ്ധയില് കൂട്ടായ പിഴ ചുമത്തിയിട്ടുണ്ടെന്ന വിവരം അറിയാക്കാനാവുന്നതിനായി സംസ്ഥാന സര്ക്കാരിന് ഉചിതമെന്നു തോന്നുന്ന മറ്റേതെങ്കിലും രീതിയിലോ സര്ക്കാരിന് വിളംബരം ചെയ്യാവുന്നതാണ് </li> <li> </li> <ol> <li>സബ്സെക്ഷന് (I) പ്രകാരം കൂട്ടായ പിഴ ചുമത്തുന്നതിലോ അല്ലെങ്കില് അത് വിഭജിക്കുന്നതായുള്ള ഉത്തരവിലോ പരാതിയുള്ള വ്യക്തിക്ക് നിര്ദിഷ്ടസമയപരിധിക്കുള്ളില് സംസ്ഥാന സര്ക്കാരിന് മുമ്പിലോ അല്ലെങ്കില് മറ്റേതെങ്കിലും അധികാരികള്ക്കു മുമ്പിലോ ഹര്ജി സമര്പ്പിക്കാവുന്നതാണ്. അത്തരം പിഴയില്നിന്ന് ഒഴിവാക്കുന്നതായോ അല്ലെങ്കില് വിഭജിക്കുന്നതു സംബന്ധിച്ച ഉത്തരവില് മാറ്റം വരുത്തുന്നതായോ സംസ്ഥാന സര്ക്കാര് വ്യക്തമാക്കണമെന്നാണ് ഈ ഹര്ജിയില് ചൂണ്ടിക്കാണിക്കേണ്ടത്. അത്തരം ഹര്ജി ഫയല് ചെയ്തതിന് ചാര്ജുകള് ഈടാക്കാന് പാടില്ലെന്ന് വ്യവസ്ഥ ചെയ്തിരിക്കുന്നു </li> <li>സംസ്ഥാനസര്ക്കാരിനോ അത് നിര്ദേശിച്ചിട്ടുള്ള അധികാരിക്കോ ഹര്ജിക്കാരന് പരാതി ഉന്നയിക്കാനുള്ള ന്യായമായ സാഹചര്യം നല്കിയതിനുശേഷം അനുയോജ്യമെന്ന് തോന്നുന്ന ഉത്തരവ് പുറപ്പെടുവിക്കാവുന്നതാണ്. ഈ സെക്ഷന് പ്രകാരം ഒഴിവാക്കപ്പെട്ടതോ അല്ലെങ്കില് കുറച്ചിട്ടുള്ളതോ ആയ പിഴത്തുക ഏതെങ്കിലുമൊരു വ്യക്തിയില്നിന്ന് വാങ്ങാന് പാടില്ലാത്തതാണെന്നും സബ്സെക്ഷന് (ക) ആ മേഖലയിലെ അന്തേവാസികളുടെ മേല് ചുമത്തപ്പെട്ടിട്ടുള്ള മൊത്തം പിഴ അതനുസരിച്ച് കുറച്ചതായി അനുമാനിക്കാന് വ്യവസ്ഥ ചെയ്തിരിക്കുകയും ചെയ്യുന്നു. </li> </ol> <li>സബ്സെക്ഷന് (3 )ല് എന്തൊക്കെ ഉള്ക്കൊണ്ടിരുന്നാലും സംസ്ഥാന സര്ക്കാരിന് ഈ ആക്ട് പ്രകാരമുള്ള ഏതെങ്കിലും ശിക്ഷയര്ഹിക്കുന്ന കുറ്റത്തില്നിന്ന് ഇരകളെയോ അല്ലെങ്കില് അതിന്റെ അഭിപ്രായപ്രകാരം സബ് സെക്ഷന് (1)ല് ചൂണ്ടിക്കാട്ടിയിട്ടുള്ള വ്യക്തികളുടെ വിഭാഗത്തില് വരുന്നില്ലെന്ന് വ്യക്തിയേയോ സബ്സെക്ഷന് (ക) പ്രകാരമോ അതിന്റെ ഏതെങ്കിലും ഭാഗമോ പ്രകാരം ചുമത്തപ്പെട്ട കൂട്ടായ പിഴ അടക്കാനുള്ള ബാധ്യതയില്നിന്ന ഒഴിവാക്കാവുന്നതാണ്.] </li> </ol> <p style="text-align: justify; ">5. ഒരു വ്യക്തി (അവിഭക്ത ഹിന്ദു കുടുംബം ഉള്പ്പെടെ) അടക്കേണ്ടതായ കൂട്ടായ പിഴയുടെ ഭാഗം ഒരു മജിസ്ട്രേറ്റ് ചുമത്തിയിട്ടുള്ള പിഴയുടെ ഭാഗമെന്നപോലെ ഒരു കോടതി ചുമത്തിയ പിഴ പിടിക്കുന്നതിനുവേണ്ടിയുള്ള കോഡ് ഓഫ് ക്രിമിനല് പ്രോസീജിയര്, 1973 (1974ലെ രണ്ടാമത്തേത്) ലഭ്യമാക്കിയിട്ടുള്ള രീതിയില് പിടിക്കാവുന്നതാണ്.</p> <h3 style="text-align: justify; "><strong> </strong><strong>തുടര്ച്ചയായ കുറ്റകൃത്യത്തിനു ചുമത്തിയിട്ടുള്ള വര്ധിപ്പിച്ച പിഴ</strong><strong> </strong></h3> <p style="text-align: justify; ">ഈ ആക്ട് പ്രകാരമുള്ള കുറ്റകൃത്യത്തിനോ അല്ലെങ്കില് പ്രേരണാക്കുറ്റത്തിനോ ശിക്ഷിക്കപ്പെട്ടിട്ടുള്ളയാള് വീണ്ടും അതേതരം കുറ്റകൃത്യമോ പ്രേരണയോ ചെയ്യുകയാണെങ്കില് അയാള്ക്ക് താഴെപ്പറയും പ്രകാരമുള്ള ശിക്ഷ നല്കാവുന്നതാണ്-</p> <p style="text-align: justify; ">a. രണ്ടാമത്തെ കുറ്റത്തിന് - ആറുമാസത്തില് കുറയാത്തതും ഒരുവര്ഷത്തില് അധികമാകാത്തതുമായ തടവും ഇരുനൂറ് രൂപയില് കുറയാത്തതും എന്നാല് 500 രുപയില് അധികമാകാത്തതുമായ പിഴയും;</p> <p style="text-align: justify; ">b. മൂന്നാമത്തെ കുറ്റകൃത്യത്തിനും തുടര്ന്നുള്ള കുറ്റകൃത്യത്തിനും ഒരുവര്ഷത്തില് കുറയാത്തതും രണ്ടുവര്ഷത്തില് അധികമല്ലാത്തതുമായ തടവും അഞ്ഞുറൂ രൂപയില് കുറയാത്തതും ആയിരം രൂപയില് കൂടാത്തതുമായ പിഴയും.]</p> <h3 style="text-align: justify; "><strong> </strong><strong>ചില പ്രത്യേക കേസുകളില് കോടതികളുടെ അനുമാനം</strong></h3> <p style="text-align: justify; ">ഈ ആക്ട് പ്രകാരമുള്ള കുറ്റകൃത്യത്തില്പ്പെടുന്ന ഒരു കൃത്യം ഒരു പട്ടികജാതി സമുദായംഗത്തോട് ചെയ്യുകയാണെങ്കില്, മറ്റൊരു രീതിയില് തെളിയിക്കാത്തപക്ഷം കോടതിക്ക് അത്തരം കൃത്യം തൊട്ടുകൂടായ്മയുടെ പശ്ചാത്തലത്തില് ചെയ്തതാണെന്ന് അനുമാനിക്കാവുന്നതാണ്.</p> <h3 style="text-align: justify; "><strong> </strong><strong>സിവില് കോടതികളുടെ അധികാരപരിധിയിലെ പരിമിതി</strong><strong> </strong></h3> <p style="text-align: justify; ">1. അത്തരം ഹര്ജിയോ നടപടിക്രമങ്ങളോ അല്ലെങ്കില് അത്തരം ഉത്തരവോ വിധിയോ പാസാക്കുന്നതോ അല്ലെങ്കില് അത് നടപ്പാക്കുന്നതോ ഈ ആക്ടിലെ നിര്ദേശങ്ങള്ക്ക് ഏതെങ്കിലും തരത്തില് വിരുദ്ധമായി ഭവിക്കുകയാണെങ്കില് ഒരു സിവില് കോടതിയും ഏതെങ്കിലും ഹര്ജി പരിഗണിക്കുകയോ അല്ലെങ്കില് തുടരുകയോ അല്ലെങ്കില് ഏതെങ്കിലും ഉത്തരവ് പാസാക്കുകയോ അത് പൂര്ണമായോ ഭാഗികമായോ നടപ്പാക്കുകയോ ചെയ്യുന്നതല്ല.</p> <p style="text-align: justify; ">2. ഏതെങ്കിലും വിഷയത്തില് തീര്പ്പുകല്പ്പിക്കുമ്പോഴും അല്ലെങ്കില് ഏതെങ്കിലും വിധിയോ ഉത്തരവോ നടപ്പാക്കുമ്പോഴും തൊട്ടുകൂടായ്മയുടെ പശ്ചാത്തലത്തില് ഏതെങ്കിലുമൊരു വ്യക്തിയുടെമേല് ഏതെങ്കിലും വികലത ചുമത്തുന്ന രീതിയോ ഉപയോഗക്രമമോ ഒരുകോടതിയും പിന്തുടരുന്നതല്ല.</p> <h3 style="text-align: justify; "><strong> </strong><strong>കമ്പനികളുടെ കുറ്റകൃത്യങ്ങള്</strong><strong> </strong></h3> <p style="text-align: justify; ">1. ഈ ആക്ട് പ്രകാരമുള്ള കുറ്റകൃത്യം ചെയ്യുന്ന് ഒരു കമ്പനിയാണെങ്കില്, ആ കുറ്റകൃത്യം ചെയ്യപ്പെടുന്ന സമയത്ത് കമ്പനിയുടെ നടത്തിപ്പും ബിസിനസും നടത്തുന്നതിന് ഉത്തരവാദികളായ ഓരോ വ്യക്തിയും കുറ്റകൃത്യം ചെയ്തതായി അനുമാനിക്കപ്പെടുകയും അതുപ്രകാരം അവര്ക്കെതിരെ കുറ്റവിചാരണ നടത്തുകയും അതനുസരിച്ച് ശിക്ഷിക്കുകയും ചെയ്യുന്നതായിരിക്കും<br /> തന്റെ അറിവോടെയല്ലാതെയാണ് ഈ കുറ്റകൃത്യം നടന്നിട്ടുള്ളതെന്നും അല്ലെങ്കില് അത്തരം കുറ്റകൃത്യം നടത്തുന്നത് തടയാന് വേണ്ടതെല്ലാം ചെയ്തെന്നും ഒരുവന് തെളിയിക്കുന്നപക്ഷം അയാള് ഏതെങ്കിലും ശിക്ഷയില്നിന്ന് ഒഴിവാക്കപ്പെടുമെന്ന് ഇതില് വ്യവസ്ഥ ചെയ്തിരിക്കുന്നു</p> <p style="text-align: justify; ">2. സബ്സെക്ഷന് (I) ല് എന്തൊക്കെ ഉള്ക്കൊണ്ടിരുന്നാലും ഈ ആക്ട് പ്രകാരം ഒരു കുറ്റകൃത്യം ഒരു കമ്പനിയിലെ ഏതെങ്കിലും ഡയറക്ടറുടെ അല്ലെങ്കില് മാനേജരുടെ അല്ലെങ്കില് സെക്രട്ടറിയുടെ അതുമല്ലെങ്കില് ഏതെങ്കിലും ഓഫീസറുടെ അനുമതിയോടെയാണ് നടന്നിട്ടുള്ളതെങ്കില് അത്തരം ഡയറക്ടര്, മാനേജര്, സെക്രട്ടറി അല്ലെങ്കില് ഏതെങ്കിലും ഓഫീസര് ആ കുറ്റകൃത്യത്തില് കുറ്റക്കാരനാണെന്ന് അനുമാനിക്കുകയും അവര്ക്കെതിരെ നിയമ നടപടികള് കൈക്കൊള്ളുകയും അതനുസരിച്ച് ശിക്ഷിക്കപ്പെടുകയും ചെയ്യുന്നതായിരിക്കും</p> <ol style="text-align: justify; "> <li><strong>വിശദീകരണം -</strong> ഈ സെക്ഷന്റെ ആവശ്യകതയിലേയ്ക്കായി - </li> </ol> <ol style="text-align: justify; "> <li>“കമ്പനി” എന്നാല് ഏതെങ്കിലും കോര്പറേറ്റ് ബോഡി എന്നാണര്ത്ഥം. അതില് ഒരു സ്ഥാപനവും വ്യക്തികളുടെ കൂട്ടായ്മയും ഉള്ക്കൊള്ളുകയും ചെയ്യുന്നു, കൂടാതെ - </li> <li>സ്ഥാപനവുമായി ബന്ധമുള്ള “ഡയറക്ടര്” എന്നതുകൊണ്ട് സ്ഥാപനത്തിന്റെ പാര്ട്ണര് എന്നാണ് ഉദ്ദേശിക്കുന്നത് </li> </ol> <p style="text-align: justify; "> </p> <p style="text-align: justify; ">14A. സദുദ്ദേശ്യത്തോടെ കൈക്കൊണ്ട നടപടികളുടെ സംരക്ഷണം</p> <ol style="text-align: justify; "> <li>ഈ ആക്ട് പ്രകാരം സദുദ്ദേശ്യത്തോടെ ചെയ്തിട്ടുള്ളതും അല്ലെങ്കില് ചെയ്യാന് ഉദ്ദേശിക്കുന്നതുമായ ഏതെങ്കിലും കാര്യങ്ങളുടെ പേരില് കേന്ദ്രസര്ക്കാരിനോ അല്ലെങ്കില് സംസ്ഥാനസര്ക്കാരിനോ എതിരെ ഏതെങ്കിലും കേസോ പ്രോസിക്യൂഷനോ അല്ലെങ്കില് മറ്റേതെങ്കിലും നിയമനടപടികളോ കൈക്കൊള്ളാവുന്നതല്ല. </li> <li>ഈ ആക്ട് പ്രകാരം സദുദ്ദേശ്യത്തോടെ ചെയ്തിട്ടുള്ളതും അല്ലെങ്കില് ചെയ്യാന് ഉദ്ദേശിക്കുന്നതുമായ ഏതെങ്കിലും കാര്യങ്ങള്കൊണ്ട് ഉണ്ടാകുന്ന ഏതെങ്കിലും നാശങ്ങളുടെയും അല്ലെങ്കില് ഉണ്ടാകാനിടയുള്ള നാശങ്ങളുടെയും പേരില് കേന്ദ്ര സര്ക്കാരിനോ അല്ലെങ്കില് സംസ്ഥാന സര്ക്കാരിനോ എതിരെ ഏതെങ്കിലും കേസോ പ്രോസിക്യൂഷനോ അല്ലെങ്കില് മറ്റേതെങ്കിലും നിയമനടപടികളോ കൈക്കൊള്ളാവുന്നതല്ല.</li> </ol> <p style="text-align: justify; "> </p> <h3 style="text-align: justify; ">അന്വേഷണ വിധേയമാക്കാവുന്നതും കുറ്റവിചാരണ നടത്താവുന്നതുമായ കുറ്റകൃത്യങ്ങള്</h3> <ol style="text-align: justify; "> <li> ക്രിമിനല് പ്രൊസീജിയര് കോഡ് 1973 (1974ലെ രണ്ടാമത്തേത്) ല് എന്തൊക്കെ ഉള്ക്കൊള്ളുന്നുവെങ്കിലും ഈ ആക്ട് പ്രകാരമുള്ള ശിക്ഷാവിധേയമായ ഓരോ കുറ്റകൃത്യവും അന്വേഷണവിധേയമാക്കാവുന്നതും മൂന്നുമാസത്തില് കൂടുന്ന ഏറ്റവും കുറഞ്ഞ തടവിന് ശിക്ഷിക്കാവുന്നതുമായ കുറ്റകൃത്യങ്ങളൊഴികെയുള്ള കുറ്റകൃത്യങ്ങള് ഒരു ഫസ്റ്റ് ക്ളാസ് ജുഡീഷ്യല് മജിസ്ടേറ്റ് മുമ്പാകെയോ അല്ലെങ്കില് ഒരു മെട്രോപോലീറ്റന് മേഖലയില് ഒരു മെട്രോപ്പോലീറ്റന് മജിസ്ട്രേറ്റ് മുമ്പാകെയോ മുകളില്പ്പറഞ്ഞിട്ടുള്ള കോഡില് പറഞ്ഞിട്ടള്ള നടപടിക്രമങ്ങള് അനുസരിച്ച് വിചാരണ ചെയ്യാവുന്നതാണ്. </li> <li>ക്രിമിനല് പ്രൊസീജിയര് കോഡ് 1973 (1974ലെ രണ്ടാമത്തേത്) ല് എന്തൊക്കെ ഉള്ക്കൊള്ളുന്നുവെങ്കിലും ഈ ആക്ട് പ്രകാരം ശിക്ഷാര്ഹമായ പ്രേരണാകുറ്റം ഏതെങ്കിലും പൊതുപ്രവര്ത്തകന് തന്റെ ഔദ്യോഗികചുമതലകള് നിര്വഹിക്കുമ്പോഴോ നിര്വഹിക്കാന് ഒരുങ്ങുമ്പോഴോ ചെയ്തതായി ആരോപിക്കപ്പെടുന്നുവെങ്കില് താഴെപ്പറയുന്നവയുടെ മുന്കൂട്ടിയുള്ള അനുമതിയോടെയല്ലാതെ ഏതൊരു കോടതിക്കും അത്തരം പ്രേരണാകുറ്റം അന്വേഷണവിധേയമാക്കാന് കഴിയുന്നതല്ല.- </li> <ol> <li>കേന്ദ്രസര്ക്കാര്, വ്യക്തി, കേന്ദ്രത്തിന്റെ കാര്യങ്ങളുമായി ബന്ധപ്പെട്ട ജോലി ചെയ്യുന്നയാളാണെങ്കില് </li> <li>സംസ്ഥാന സര്ക്കാര് ആ വ്യക്തി ഏതെങ്കിലുമൊരു സ്ംസ്ഥാനത്തിന്റെ കാര്യങ്ങളുമായി ബന്ധപ്പെട്ട ജോലി ചെയ്യുന്നയാളാണെങ്കില്</li> <li></li> </ol></ol> <p style="text-align: justify; ">15A. “തൊട്ടുകൂടായ്മ”</p> <ol style="text-align: justify; "> <li>തൊട്ടുകൂടായ്മ നിരോധിച്ചതിലൂടെ ലഭ്യമായ അവകാശങ്ങള് തൊട്ടുകൂടായ്മയില് ന്നുണ്ടായിട്ടുള്ള വികലതകള്ക്ക് പാത്രമായ ഏതെങ്കിലും വ്യക്തികള്ക്ക് ലഭ്യമാക്കുകയോ ലഭിക്കാന് ഇടവരുത്തുകയോ ചെയ്യുന്നുണ്ടെന്ന് ഉറപ്പുവരുത്താന് ആവശ്യമായ നടപടികള് കേന്ദ്രസര്ക്കാര് ലഭ്യമായ നിയമങ്ങള്ക്ക് വിധേയമായി ചെയ്യുകയും സംസ്ഥാനസര്ക്കാര് ഇക്കാര്യത്തില് നടപടികള് കൈക്കൊള്ളുകയും ചെയ്യേണ്ടതാണ്. </li> <li>സബ് സെക്ഷന് (I) ലെ നിര്ദേശങ്ങളുടെ പൊതുവായ രീതികളെക്കുറിച്ച് മുന്വിധിയില്ലാതെ പ്രത്യേകമായി അത്തരം നടപടികളില് താഴെപ്പറയുന്നവ ഉള്ക്കൊള്ളുന്നു - </li> <ol> <li>തൊട്ടൂകൂടായ്മയില്നിന്നുണ്ടായിട്ടുള്ള വികലതയ്ക്ക് പാത്രമായ വ്യക്തികള്ക്ക് അത്തരം അവകാശങ്ങള് ലഭ്യമാക്കാന് അവരെ പ്രാപ്തരാക്കുന്നതിന് നിയമസഹായം ഉള്പ്പെടെയുള്ള അനുയോജ്യസൌകര്യങ്ങള് ലഭ്യമാക്കല്; </li> <li>ഈ ആക്ടിന്റെ നിര്ദേശങ്ങള് ലംഘിക്കുന്നവരെ പ്രോസിക്യൂട്ട് ചെയ്യുന്നതിനുള്ള നടപടികള്ക്ക് തുടക്കം കുറിക്കാനും അല്ലെങ്കില് അവയ്ക്ക് മേല്നോട്ടം വഹിക്കാനും ഓഫിസര്മാരെ നിയമിക്കല് </li> <li>ഈ ആക്ട് പ്രകാരമുള്ള കുറ്റകൃത്യങ്ങള് വിചാരണ ചെയ്യാന് പ്രത്യേക കോടതികള് രൂപീകരിക്കല്; </li> <li>ഇത്തരം നടപടികള് രൂപീകരിക്കുന്നതിനോ നടപ്പാക്കുന്നതിനോ വേണ്ടി സംസ്ഥാന സര്ക്കാരുകളെ സഹായിക്കുന്നതിന് സര്ക്കാര് അനുയോജ്യമാണെന്ന് കണ്ടെത്തിയാല് ആവശ്യമായ തലങ്ങളില് കമ്മിറ്റികളുടെ രൂപീകരണം; </li> </ol> </ol> <ol style="text-align: justify; "> <li> v. ഈ ആക്ടിലെ നിര്ദേശങ്ങള് മികച്ച രീതിയില് നടപ്പാക്കുന്നതിനുള്ള നടപടികള് നിര്ദേശിക്കുന്നതിനായി ആക്ടിന്റെ നിര്ദേശങ്ങളുടെ പ്രവര്ത്തനം കൃത്യമായ കാലയളവുകളില് നിരീക്ഷിക്കാനുള്ള സംവിധാനം; </li> <li> vi. “തൊട്ടുകൂടായ്മ” യില്നിന്നുണ്ടാകുന്ന വികലതയില് കഴിയുന്ന വ്യക്തികളുള്ള പ്രദേശങ്ങള് കണ്ടെത്തുകയും അവിടെനിന്ന് അത്തരം വികലതകള് നീക്കം ചെയ്യാനുള്ള നടപടികള് നടപ്പാക്കുകയും ചെയ്യുക. </li> </ol> <p style="text-align: justify; ">3. സ്ബ്സെക്ഷന് (1) പ്രകാരം സംസ്ഥാന സര്ക്കാരുകള് കൈക്കൊള്ളുന്ന നടപടികള് ഏകോപിപ്പിക്കുന്നതിനാവശ്യമായ ചുവടുവെപ്പുകള് കേന്ദ്ര സര്ക്കാര് കൈക്കൊള്ളേണ്ടതാണ്..</p> <p style="text-align: justify; ">4. ഈ സെക്ഷനിലെ നിര്ദേശങ്ങള് പിന്തുടര്ന്നുകൊണ്ട് സംസ്ഥാന സര്ക്കാരുകളും തങ്ങളും കൈക്കൊണ്ടിട്ടുള്ള നടപടികള് സംബന്ധിച്ച റിപ്പോര്ട്ട് എല്ലാവര്ഷവും കേന്ദ്ര സര്ക്കാര് പാര്ലമെന്റിന്റെ ഇരുസഭകളുടെയും മേശപ്പുറത്ത് വയ്ക്കേണ്ടതാണ്.</p> <h3 style="text-align: justify; "><strong> </strong><strong>മറ്റു നിയമങ്ങളെ നിഷ്ഫലമാക്കുന്ന ആക്ട്</strong></h3> <p style="text-align: justify; ">മറ്റു നിയമങ്ങളുടെ നിര്ദേശങ്ങള് ഈ ആക്ടിലുണ്ടെങ്കിലും മറ്റുനിയമങ്ങളില് കാലാകാലങ്ങളില് ഉള്ക്കൊള്ളുന്ന ഏതെങ്കിലും രീതികളോ അല്ലെങ്കില് ഉപയോഗമോ അല്ലെങ്കില് ഏതെങ്കിലും നിയമത്തിന്റെയോ അല്ലെങ്കില് ഏതെങ്കിലും കോടതിയുടെയോ അതോറിട്ടിയുടെയോ ഉത്തരവോ അല്ലെങ്കില് വിധിയോ ആയിത്തീരാന് കാരണമാകുന്ന മറ്റേതെങ്കിലും ഉപകരണമോ ഇതില് ഉള്ക്കൊള്ളുന്നുവെങ്കിലും അവയോടൊപ്പം നിലനില്ക്കാത്തതായ ഫലം ഈ ആക്ടിനുണ്ടായിരിക്കും.</p> <p style="text-align: justify; "><strong>16A. </strong><strong>1958ലെ പ്രൊബേഷന് ഓഫ് ഒഫ</strong>ന്റേ<strong>ഴ്സ്</strong> <strong>ആക്ട്</strong><strong>, </strong><strong> </strong></p> <p style="text-align: justify; "><strong>14 വയസിനുമുകളിലുള്ള വ്യക്തികള്ക്ക് ബാധകമായിരിക്കില്ല</strong></p> <p style="text-align: justify; ">ഈ ആക്ട് പ്രകാരം ശിക്ഷാര്ഹമായ കുറ്റകൃത്യങ്ങള് ചെയ്തതായി കണ്ടെത്തിയിട്ടുള്ള 14 വയസിനുമുകളിലുള്ള വ്യക്തികള്ക്ക് 1958ലെ പ്രൊബേഷന് ഓഫ് ഒഫന്റേഴ്സ് ആക്ട് ബാധകമായിരിക്കില്ല.]</p> <p style="text-align: justify; "><strong>16B. </strong><strong>റൂളുകള് നിര്മിക്കാനുള്ള അധികാരം</strong><strong> </strong></p> <p style="text-align: justify; ">1. ഈ ആക്ടിലെ നിര്ദേശങ്ങള് നടപ്പിലാക്കുന്നതിനുള്ള റൂളുകള് നിര്മിക്കാന് ഔദ്യോഗിക ഗസറ്റിലെ വിജ്ഞാപനത്തിലൂടെ കേന്ദ്ര സര്ക്കാരിന് കഴിയുന്നതാണ്.</p> <p style="text-align: justify; ">2. ഈ ആക്ട് പ്രകാരം സൃഷ്ടിക്കുന്ന ഓരോ റൂളും അവ തയ്യാറാക്കികഴിഞ്ഞാലുടന് പാര്ലമെന്റിന്റെ ഇരുസഭകളും വയ്ക്കേണ്ടതും ആയത് സഭ 30 ദിവസത്തെ മൊത്തം കാലയളവിലേയ്ക്ക് സമ്മേളിച്ചുകൊണ്ടിരിക്കുകയാണെങ്കില് അടുത്ത സമ്മേളനത്തില് വെയ്ക്കുന്നതായിരിക്കും. ഇരുസഭകളും റൂളില് മാറ്റങ്ങള് വേണമെന്ന് അഭിപ്രായപ്പെടുകയോ അല്ലെങ്കില് റൂള് നിര്മിക്കരുതെന്ന് നിര്ദേശിക്കുകയോ ചെയ്താല് റൂളിന്റെ മാറ്റമുണ്ടാക്കിയ രൂപത്തിന് മാത്രമേ ഫലമുണ്ടാകുകയുള്ളൂ.</p> <h3 style="text-align: justify; "><strong> </strong><strong>പിന്വലിക്കല്</strong></h3> <p style="text-align: justify; ">ഷെഡ്യൂളില് ചൂണ്ടിക്കാണിച്ചിട്ടുള്ള നിയമനിര്മാണങ്ങള് ഈ ആക്ടിലെ നിര്ദേശങ്ങള്ക്ക് സമാനമായതോ പ്രതികൂലമായതോ ആകുന്നമുറയ്ക്ക് ഇതിനാല് പിന്വലിച്ചിരിക്കുന്നു.</p> <p style="text-align: justify; "><strong>ഷെഡ്യൂള്</strong><strong> </strong></p> <p style="text-align: justify; ">(വകുപ്പ് 17 നോക്കുക)</p> <p style="text-align: justify; ">1. ബീഹാര് ഹരിജന് (സിവില് പോരായ്മകള് നീക്കം ചെയ്യല്) നിയമം, 1949 (ബീഹാര് നിയമം 1949 ലെ XIX).</p> <p style="text-align: justify; ">2. ബോംബൈ ഹരിജന് (സാമൂഹികമായ പോരായ്മകള് നീക്കം ചെയ്യല്) നിയമം, 1946 (1947ലെ ബോംബൈ നിയമം).</p> <p style="text-align: justify; ">3. ബോംബൈ ഹരിജന് ക്ഷേത്ര പ്രവേശന നിയമം, 1947 (1947ലെ ബോംബൈ നിയമം XXXV).</p> <p style="text-align: justify; ">4. സെന്ട്രല് പ്രോവിന്സ് ആന്ഡ് ബേറാര് പട്ടികജാതി(സിവില് പോരായ്മകള് നീക്കം ചെയ്യല്) നിയമം, 1947 (സെന്ട്രല് പ്രോവിന്സ് ആന്ഡ് ബേറാര് നിയമം 1947ലെ XXIV).</p> <p style="text-align: justify; ">5. സെന്ട്രല് പ്രോവിന്സ് ആന്ഡ് ബേറാര് ക്ഷേത്ര പ്രവേശന അധികാരപ്പെടുത്തല് നിയമം, 1947 (സെന്ട്രല് പ്രോവിന്സ് ആന്ഡ് ബേറാര് നിയമം 1947ലെ XLI).</p> <p style="text-align: justify; ">6. കിഴക്കന് പഞ്ചാബ് (മതപരവും സാമൂഹികവുമായ പോരായ്മകള് നീക്കം ചെയ്യല്) നിയമം, 1948 (1948 ലെ കിഴക്കന് പഞ്ചാബ് നിയമം XVI).</p> <p style="text-align: justify; ">7. മദ്രാസ് സിവില് പോരായ്മകള് നീക്കം ചെയ്യല് നിയമം, 1938 (1938 ലെ മദ്രാസ് നിയമം XXI).</p> <p style="text-align: justify; ">8. ഒറീസാ സിവില് പോരായ്മകള് നീക്കം ചെയ്യല് നിയമം, 1946 (1946 ലെ ഒറീസാ നിയമം XI).</p> <p style="text-align: justify; ">9. ഒറീസാ ക്ഷേത്ര പ്രവേശന അധികാരപ്പെടുത്തല് നിയമം, 1948 (1946 ലെ ഒറീസാ നിയമം XI).</p> <p style="text-align: justify; ">10. യുണൈറ്റഡ് പ്രോവിന്സസ് സാമൂഹികമായ പോരായ്മകള് നീക്കം ചെയ്യല് നിയമം, 1947 (1947ലെ യു.പി. നിയമം XIV).</p> <p style="text-align: justify; ">11. പശ്ചിമ ബംഗാള് ഹിന്ദു സാമൂഹികമായ പോരായ്മകള് നീക്കം ചെയ്യല് നിയമം, 1948 (1948ലെ പശ്ചിമ ബംഗാള് നിയമം XXXVII).</p> <p style="text-align: justify; ">12. ഹൈദ്രാബാദ് ഹരിജന് ക്ഷേത്ര പ്രവേശന നിബന്ധനകള്, 1358എഫ് (1358 ലെ ഫാസ്ലി നം. LV).</p> <p style="text-align: justify; ">13. ഹൈദ്രാബാദ് ഹരിജന് (സാമൂഹികമായ പോരായ്മകള് നീക്കം ചെയ്യല്) നിയമം, 1358എഫ് (1358 ലെ ഫാസ്ലി നം. LVI).</p> <p style="text-align: justify; ">14. മധ്യ ഭാരത ഹരിജന് അയോഗ്യതാ നിവാരണ വിധാന്, സംവാദ് 2005 (1949ലെ മധ്യ ഭാരത നിയമം നം. 15).</p> <p style="text-align: justify; ">15. സിവില് പോരായ്മകള് നീക്കം ചെയ്യല് നിയമം, 1943 (1943ലെ മൈസൂര് നിയമം XLII).</p> <p style="text-align: justify; ">16. മൈസൂര് ക്ഷേത്രപ്രവേശന അധികാരപ്പെടുത്തല് നിയമം, 1948 (1948 ലെ മൈസൂര് നിയമം XIV).</p> <p style="text-align: justify; ">17. സൌരാഷ്ട്ര ഹരിജന് (സാമൂഹികമായ പോരായ്മകള് നീക്കം ചെയ്യല്) നിയമം (1948ലെ XL).</p> <p style="text-align: justify; ">18. തിരു-കൊച്ചി സാമൂഹികമായ പോരായ്മകള് നീക്കം ചെയ്യല് നിയമം, 1125 (തിരു-കൊച്ചി നിയമം 1125ലെ VIII).</p> <p style="text-align: justify; ">19. തിരു-കൊച്ചി ക്ഷേത്ര പ്രവേശന, പോരായ്മകള് നീക്കം ചെയ്യല് നിയമം, 1950 (തിരു-കൊച്ചി നിയമം 1950ലെ XXVII).</p> <p style="text-align: justify; ">20. കുടക് പട്ടികജാതി (സിവില് പോരായ്മകള് നീക്കം ചെയ്യല്) നിയമം, 1949 (1949ലെ കുടക് നിയമം I).</p> <p style="text-align: justify; ">21. കുടക് ക്ഷേത്ര പ്രവേശന അധികാരപ്പെടുത്തല് നിയമം, 1949 (1949 ലെ കുടക് നിയമം II).</p> </div>