<div id="Middlecolumn_internal"> <h3>நோக்கம்</h3> <p style="text-align: justify;">ஊரக உட்கட்டமைப்பின் ஒரு பகுதியான ஊரக சாலை இணைப்பில் தற்போதுள்ள இடைவெளியினை குறைப்பதும் மற்றும் தேசிய ஊரக வேலை உறுதித் திட்டத்தின் மூலம் உருவாக்கப்படும் சொத்துக்களை நிலைப்படுத்தி நிலையான சொத்துக்களை உருவாக்குவதும் இத்திட்டத்தின் நோக்கமாகும்.</p> <h3>செயலாக்கம்</h3> <ul> <li style="text-align: justify;">இத்திட்டம், கிராம ஊராட்சிகள் மற்றும் ஊராட்சி ஒன்றியங்கள் மூலம் செயல்படுத்தப்படும்.</li> </ul> <h3>நிதி ஒதுக்கீடு</h3> <ul> <li style="text-align: justify;">இத்திட்டம் 100 விழுக்காடு மாநில அரசு நிதியைக் கொண்டு செயல்படுத்தப்படும்.</li> <li style="text-align: justify;">2014 - 15 ஆம் ஆண்டிற்கு இத்திட்டத்திற்கான நிதி ஒதுக்கீடு ரூ. 250 கோடி ஆகும்.</li> </ul> <p style="text-align: justify;">மகாத்மா காந்தி தேசிய ஊரக வேலை உறுதித் திட்டத்தின் கீழ் பின் வரும் பணிகளை மேற்கொள்ளலாம்:</p> <ul> <li style="text-align: justify;">நீர் நிலைகளில் கருங்கல் பதித்தல்</li> <li style="text-align: justify;">தடுப்புச் சுவர் கட்டுதல்</li> <li style="text-align: justify;">படித்துறைகள் அமைத்தல்</li> <li style="text-align: justify;">நீர் வரத்து / உபரி கால்வாய் கட்டமைப்பு</li> <li style="text-align: justify;">மண் சாலைகள் மற்றும் சரளைக்கல் சாலைகளை தார்ச்சாலைகளாக மேம்படுத்துதல்</li> <li style="text-align: justify;">அனைத்து பருவ காலங்களுக்கும் ஏற்ற வகையில் சாலைகள் அமைத்தல்</li> </ul> <h3>திட்ட செயல்பாடு</h3> <p style="text-align: justify;">பணிகளை தேர்வு செய்யும் பொறுப்பு, கிராம ஊராட்சிகள் மற்றும் ஊராட்சி ஒன்றியங்களுக்கு வழங்கப்பட்டுள்ளது.</p> <p style="text-align: justify;">மாவட்ட ஆட்சித் தலைவர், இப்பணிகளுக்கு நிர்வாக அனுமதி வழங்குவார்.</p> <p style="text-align: justify;">இப்பணிகள் யாவும் தமிழ்நாடு ஒளிவுமறைவற்ற ஒப்பந்தப்புள்ளிகள் சட்டம் 1998-ன் படி ஒப்பந்தப்புள்ளி அடிப்படையில் செயல்படுத்தப்படும்.</p> <p style="text-align: justify;">திட்டத்தில் பயன்பெற மற்றும் திட்டத்தைப் பற்றிய இதர விவரங்களை பெற அணுக வேண்டிய அலுவலர்கள்:</p> <ul> <li style="text-align: justify;">மாநில அளவில்: ஊரக வளர்ச்சி மற்றும் ஊராட்சி ஆணையர், சென்னை-15</li> <li style="text-align: justify;">மாவட்ட அளவில்: மாவட்ட ஆட்சித் தலைவர் மற்றும் திட்ட இயக்குநர், மாவட்ட ஊரக வளர்ச்சி முகமை</li> <li style="text-align: justify;">வட்டார அளவில்: வட்டார வளர்ச்சி அலுவலர் (வ.ஊ/கி.ஊ)</li> </ul> <p style="text-align: justify;">ஆதாரம்: தமிழ்நாடு மகளிர் மேம்பாட்டு நிறுவனம்</p> </div>