<div id="Middlecolumn_internal"> <h3>தர ஆய்வு</h3> <ul style="padding-left: 40.5px; list-style-type: disc; text-align: justify;"> <li>குழுக்களை உரிய காலத்தில் தர ஆய்விற்கு உட்படுத்துவது கிராம வறுமை ஒழிப்பு சங்கத்தின் பொறுப்பாகும்.</li> <li>இவ்வாறு குழுக்களை தர ஆய்வு செய்வதற்கு 3 நபர்களைக் கொண்ட தர ஆய்வு அணியை அமைக்கும்.</li> <li>இந்தத் தர ஆய்வு அணியில் அடுத்த ஊராட்சியை சார்ந்த சமூக வல்லுநர் ஒருவர் மற்றும் சம்பந்தப்பட்ட ஊராட்சியின் சுய உதவி குழு கூட்டமைப்பின் பிரதிநிதிகள் இருவர் ஆகியோர் இடம் பெறுவர்.</li> </ul> <p style="text-align: justify;"><strong>(அ) தர ஆய்வு அணியின் செயல்பாடுகள்</strong></p> <ul style="padding-left: 40.5px; list-style-type: disc; text-align: justify;"> <li>திட்டத்தில் இணைந்துள்ள அனைத்து சுய உதவி குழுக்களும் ஆண்டிற்கு ஒரு முறை தர ஆய்வு செய்யப்பட வேண்டும்.</li> <li>புதிய குழுக்கள் மூன்று மாதம் முடிந்தவுடன் தர ஆய்விற்கு உட்படுத்தப்படும்.</li> <li>தர ஆய்வு செய்யப்பட்ட குழுவின் முடிவினை சம்பந்தப்பட்ட குழுவிற்கு தெரிவிக்க வேண்டும்.</li> <li>தர ஆய்வின் போது, குழுவின் விதிமுறைகள், சேமிப்பு, உறுப்பினர் வருகை, வங்கி கடன் மற்றும் உள்கடன் திருப்பம், பதிவேடுகள் பராமரிப்பு, தணிக்கை போன்றவற்றின் அளவீடுகளுக்கு ஏற்ப மதிப்பெண்கள் அளிக்கப்படுகின்றன.</li> <li>தர ஆய்வின் முடிவின் அடிப்படையில் மேற்கொள்ள வேண்டிய நடவடிக்கைகளை (பயிற்சி தேவை, நிதியிணைப்பு, ஆதார நிதி போன்றவை) கிராம வறுமை ஒழிப்பு சங்கம் மேற்கொள்ளும்.</li> <li>குழுவின் மேம்பாட்டிற்கு கிராம வறுமை ஒழிப்பு சங்கம் மேற்கொள்ளும் நடவடிக்கைக்கு திட்ட ஒருங்கிணைப்பு அணி வழிக்காட்டுதலாக இருக்கும்</li> </ul> <p style="text-align: justify;"><strong>(ஆ) ஆதார நிதி வழங்குதல்</strong></p> <p style="text-align: justify;">சுய உதவி குழுவானது தனது நிர்வாகத் திறனை மேம்படுத்திக் கொள்வதற்கும் வங்கி மற்றும் பிற நிறுவனங்களுடன் நிதியிணைப்பை ஏற்படுத்திக் கொள்வதற்கும் உதவும்.</p> <p style="text-align: justify;"><strong>(i) தகுதிகள்</strong></p> <ul style="padding-left: 40.5px; list-style-type: disc; text-align: justify;"> <li>தர ஆய்வில் குறைந்த பட்சம் ‘நன்று’ பெற்ற அனைத்து வகையான குழுக்களும் ஆதார நிதி பெற தகுதியானவை.</li> <li>ஒவ்வொரு சுய உதவி குழுவிற்கும் எவ்வளவு ஆதார நிதி வழங்கலாம் என்பதை கிராம வறுமை ஒழிப்பு சங்கம் முடிவு செய்யும்.</li> <li>ஆதார நிதி அதிகபட்சம் ரூ. 20000 வரை ஒரே ஒரு முறை மட்டும் மான்யமாக வழங்கப்படும்.</li> </ul> <p style="text-align: justify;"><strong>(ii) ஆதார நிதி பெறுவதற்கு குழுக்கள் செய்ய வேண்டியவை</strong></p> <p style="text-align: justify;">தகுதியுள்ள சுய உதவி குழுக்கள், ஆதார நிதி வேண்டி கிராம வறுமை ஒழிப்பு சங்கத்திடம் விண்ணப்பிக்க வேண்டும்.</p> <p style="text-align: justify;">குழு செயல்படாத பட்சத்தில் ஆதார நிதியினை திரும்ப வழங்க ஒப்புதல் தெரிவிக்கும் தீர்மானத்தையும் குழு விண்ணப்பத்துடன் இணைக்க வேண்டும்.</p> <p style="text-align: justify;">மேலும், குழுவின் தற்போதைய சேமிப்பு மற்றும் கடன் தொகையை உறுதிபடுத்தும் அறிக்கையையும் வழங்க வேண்டும்.</p> <p style="text-align: justify;">ஆதார நிதியை குழுவின் சேமிப்பு போலவே கருதி நிதி நடவடிக்கைகளை மேற்கொள்ள வேண்டும்.</p> <h3>தரமதிப்பீடு</h3> <ul style="padding-left: 40.5px; list-style-type: disc; text-align: justify;"> <li>குழுக்கள் வங்கி / நிதி இணைப்பு பெறுவதற்காக செய்யப்படும் மதிப்பீடே தர மதிப்பீடு.</li> <li>ஊரக வளர்ச்சி துறை, டாம்கோ, டாப்செட்கோ, தாட்கோ போன்ற திட்டங்கள் பிற நிறுவன நிதி இணைப்பு பெறுவதற்காக குழுக்கள் தரமதிப்பீட்டிற்கு உட்படுத்தப்படுகின்றன.</li> <li>இந்த மதிப்பீட்டு அணியில் வங்கிப் பிரதிநிதி ஒருவர், ஊராட்சி அளவிலான குழு கூட்டமைப்பு பிரதிநிதி ஒருவர் மற்றும் புதுவாழ்வு திட்டப் பணியாளர் ஒருவர் உறுப்பினராக இருப்பர்.</li> <li>தரமதிப்பீட்டின் போது, குழுவின் விதிமுறைகள், சேமிப்பு, உறுப்பினர் வருகை, வங்கி மற்றும் உள்கடன் திருப்பம், பதிவேடுகள் பராமரிப்பு, தணிக்கை போன்ற அளவீடுகள் பயன்படுத்தப்படுகின்றன.</li> </ul> <h3>தணிக்கை</h3> <p style="text-align: justify;">சுய உதவி குழுவில் குறிப்பிட்ட காலத்தில் நடைபெற்றுள்ள நிதி சம்பந்தமான நடவடிக்கைகள் முறையாக மேற்கொள்ளப்பட்டுள்ளதா என்று ஆய்வு செய்தல்.</p> <p style="text-align: justify;"><strong>தணிக்கை செயல்பாடுகள்</strong></p> <p style="text-align: justify;"><strong>(1) உள்தணிக்கை</strong></p> <ul style="padding-left: 40.5px; list-style-type: disc; text-align: justify;"> <li>ஒவ்வொரு குழுவும் ஆறு மாதத்திற்கு ஒரு முறை உள்தணிக்கைக்கு உட்படுத்தப்பட வேண்டும்.</li> <li>ஆறு மாதம் முடிந்து ஒரு மாத இடைவெளிக்குள் உள் தணிக்கையினை முடித்திருக்க வேண்டும் (செப்டம்பர் மற்றும் மார்ச் மாத முடிவில்).</li> <li>உள் தணிக்கைக்கான செலவினை (6 மாதங்களுக்கு ஒரு முறை) குழு ஒன்றிற்கு ரூ. 50 வீதம் ஆரம்ப கட்டத்தில் கிராம வறுமை ஒழிப்பு சங்கம் வழங்கலாம்.</li> </ul> <p style="text-align: justify;"><strong>(2) வெளித்தணிக்கை</strong></p> <ul style="padding-left: 40.5px; list-style-type: disc; text-align: justify;"> <li>குழுக்கள் வருடத்திற்கு ஒருமுறை வெளித்தணிக்கைக்கு (மார்ச் மாதம் முடிந்தவுடன்) உட்படுத்தப்படும். 2 வருடம் முடிந்த 3 மாதங்களுக்குள் வெளிதணிக்கை முடித்திருக்க வேண்டும்.</li> <li>2 வருடங்கள் முடியாத குழுவிற்கு ரூ. 125 வீதம் செலவிடலாம், 50% செலவினம் கிராம வறுமை ஒழிப்பு சங்கத்தால் மேற்கொள்ளப்படும்.</li> <li>2 வருடங்கள் முடிந்த குழுக்களுக்கு ரூ. 150 வீதம் செலவிடலாம். இச்செலவினை ஊராட்சி அளவிலான கூட்டமைப்பு பொது நிதியிலிருந்து மேற்கொள்ள வேண்டும்.</li> </ul> <p style="text-align: justify;"><strong>(3) தணிக்கையாளர்கள்</strong></p> <ul style="padding-left: 40.5px; list-style-type: disc; text-align: justify;"> <li>கிராம வறுமை ஒழிப்பு சங்கம் குறைந்த பட்சம் 30 சுய உதவி குழுக்களுக்கு ஒரு சமூக சுய உதவி குழு தணிக்கையாளரை அடையாளம் கண்டு பயிற்சி அளிக்க வேண்டும். இவர்களை உள்தணிக்கை செய்ய பயன்படுத்திக் கொள்ளலாம்.</li> <li>2 வருடம் முடிவடைந்த குழுக்களுக்கு சமூக தணிக்கையாளர் / பட்டய கணக்காளர்களை (ஆடிட்டர்) கொண்டு வெளித்தணிக்கை செய்ய வேண்டும்.</li> <li>தணிக்கை சம்பந்தமான நடவடிக்கைகளுக்கு திட்ட ஒருங்கிணைப்பு அணி கிராம வறுமை ஒழிப்பு சங்கத்திற்கு உறுதுணையாக இருக்கும்.</li> </ul> <p style="text-align: justify;"><strong>(4) தணிக்கை அறிக்கை</strong></p> <ul style="padding-left: 40.5px; list-style-type: disc; text-align: justify;"> <li>அனைத்து தணிக்கை அறிக்கைகளும் தமிழில் தயாரிக்க வேண்டும்.</li> <li>அறிக்கைகள் குழுவில் விவாதிக்கப்பட்டு நடவடிக்கை எடுக்கப்பட்டிருப்பதை உறுதி செய்ய வேண்டும்.</li> </ul> <p style="text-align: justify;">1. ஐந்தொகை (Trial balance)</p> <p style="text-align: justify;">2. பெறுதல், செலுத்துதல் அறிக்கை</p> <p style="text-align: justify;">3. வரவு செலவு அறிக்கை</p> <p style="text-align: justify;">4. இருப்பு நிலை குறிப்பு</p> <p style="text-align: justify;">5. உறுப்பினர்களின் சேமிப்பு / கடன் உறுதி செய்யும் படிவம்</p> <ul style="padding-left: 40.5px; list-style-type: disc; text-align: justify;"> <li>செயல்படாத மற்றும் தரத்தில் பின்தங்கிய குழுக்களை வலுப்படுத்தி வளர்ச்சியடைய செய்வதில் கிராம வறுமை ஒழிப்பு சங்கம் முழு கவனம் செலுத்த வேண்டும்.</li> <li>குழுக்களின் பிரச்சனைகளை கண்டறிந்து தீர்க்க உதவி வழங்க வேண்டும்.</li> </ul> <p style="text-align: justify;">கிராம வறுமை ஒழிப்பு சங்கம் சுய உதவி குழுக்களின் வளர்ச்சிக்கு கீழ்கண்ட சமூக பணியாளர்களின் உதவியையும் திட்ட ஒருங்கிணைப்பு அணியின் வழிகாட்டுதலையும் பெற்று செயல்படும்.</p> <p style="text-align: justify;">1. சமூக சுய உதவி குழு பயிற்றுநர்கள்</p> <p style="text-align: justify;">2. சமூக தணிக்கையாளர்கள்</p> <p style="text-align: justify;">3. சமூகத் தர ஆய்வு அணி</p> <p style="text-align: justify;">ஆதாரம்: தமிழ்நாடு மகளிர் மேம்பாட்டு நிறுவனம்</p> </div>