<div id="MiddleColumn_internal"> <h3 style="text-align: justify; ">କିଶୋରୀ ସ୍ଵାସ୍ଥ୍ୟର ଗୁରୁତ୍ଵ</h3> <ul style="text-align: justify; "> <li><img class="image-right" src="https://static.vikaspedia.in/media_vikaspedia/or/images/social-welfare/b05b19b4db17b28b71b3eb21b3f/girls.jpg" />୧୦-୧୯ ବର୍ଷର ବାଳକ/ବାଳିକାଙ୍କ ଅବସ୍ଥାକୁ କିଶୋରୀ ଅବସ୍ଥା କୁହାଯାଏ । ଏହି ସମୟରେ ସେମାନଙ୍କର ଦ୍ରୁତ ଶାରୀରିକ, ଆବେଗିକ, ମାନସିକ ଓ ସାମାଜିକ ପରିବର୍ତ୍ତନ ହୋଇଥାଏ । </li> <li>କିଶୋରୀ ବାଳିକାମାନେ ସାଧାରଣତଃ ଏହି ସମୟରେ ବିଭିନ୍ନ ପ୍ରକାର ରୋଗର ଶିକାର ହୋଇଥାନ୍ତି ଏବଂ ଦୁର୍ବଳ ସ୍ଵାସ୍ଥ୍ୟ ଅବସ୍ଥା ଯୋଗୁଁ ରକ୍ତହୀନତା, ମାସିକ ଋତୁସ୍ରାବରେ ଅନିୟମିତତା, ପ୍ରଜନନ ନଳୀ ସଂକ୍ରମଣ, ପୁଷ୍ଟିହୀନତା, ଅବାଞ୍ଛତ ଗର୍ଭଧାରଣ ଓ ବିପଦପୂର୍ଣ୍ଣ ଗର୍ଭପାତରେ ଆକ୍ରାନ୍ତ ହୋଇଥାନ୍ତି । </li> <li>କିଶୋରୀ ବାଳିକା ମାନଙ୍କର ପୁଷ୍ଟିହୀନତା ବିଶେଷକରି ଖାଦ୍ୟରେ ଲୌହସାରର ଅଭାବ ସହିତ ଶୀଘ୍ର ବିବାହ ଓ ଗର୍ଭଧାରଣ ଯୋଗୁଁ ଗର୍ଭାବସ୍ଥା ଓ ପ୍ରସବ ସମୟରେ ଜଙ୍କିଳ ଅବସ୍ଥା, ମାତୃ ମୃତ୍ୟୁ, ମୃତ ଶିଶୁ, ଶିଶୁ ମୃତ୍ୟୁ ତଥା କମ୍ ଓଜନର ଶିଶୁ ଜନ୍ମ ହୋଇଥାନ୍ତି । </li> <li>ରକ୍ତହୀନତା ବାଲ୍ୟାବସ୍ଥାରୁ ଆରମ୍ଭ ହୋଇଥାଏ । କିଶୋରୀ ଅବସ୍ଥାରେ ଆହୁରି ଅଧିକ ହୋଇଥାଏ, ଏବଂ ଏହା ଗର୍ଭାବସ୍ଥାରେ ଆହୁରୀ ବଢିଯାଏ । </li> </ul> <li style="text-align: justify; ">କିଶୋରୀ ବାଳିକା ମାନଙ୍କର ରକ୍ତହୀନତା ନିୟନ୍ତ୍ରଣ କାର୍ଯ୍ୟକ୍ରମ ଓ ସବାଳ ଯୋଜନାର ଉଦ୍ଦେଶ୍ୟ ଗୁଡିକ - </li> <ul style="text-align: justify; "> <li>କିଶୋରୀ ମାନଙ୍କର ସ୍ଵାସ୍ଥ୍ୟ ଓ ପୁଷ୍ଟିର ବିକାଶ ସାଧନ, ବିଶେଷଭାବରେ ଲୌହସାର ଅଭାବ ଜନିତ ରକ୍ତହୀନତାକୁ କମାଇବା । </li> <li>ସ୍ଵାସ୍ଥ୍ୟ, ପରିଷ୍କାର ପରିଚ୍ଚନ୍ନତା, ପରିପୁଷ୍ଟି, କିଶୋରୀମାନଙ୍କର ପ୍ରଜନନ ଓ ଯୌନ ସ୍ଵାସ୍ଥ୍ୟ ଏବଂ ପରିବାର ଓ ଶିଶୁ ଯତ୍ନ ସମ୍ବନ୍ଧରେ ସଚେତନତା ସୃଷ୍ଟି କରିବା। </li> <li>ଏହା ବ୍ୟତୀତ ସବଳା ଯୋଜନାର ନିମ୍ନଲିଖିତ ଲକ୍ଷ୍ୟ ଅଛି : </li> <ul> <li>ଜୀବନ କୌଶଳ ଶିକ୍ଷା ଧନ୍ଦାମୂଳକ କାମ ଏବଂ ପରିଚାଳନା ଦକ୍ଷତା ବୃଦ୍ଧି କରିବା । </li> <li>ସ୍କୁଲ ଛାଡିଥିବା କିଶୋରୀମାନଙ୍କୁ ଆନୁଷ୍ଠାନିକ / ଅଣଆନୁଷ୍ଠାନିକ ଶିକ୍ଷାଦେଇ ମୁଖ୍ୟ ସ୍ରୋତରେ ମିଶାଇବା । </li> </ul> <li>କିଶୋରୀ ବାଳିକାମାନଙ୍କର ଆତ୍ମବିକାଶ କରାଇ ସେମାନଙ୍କୁ ସଂଶକ୍ତିକରଣ କରାଇବା । </li> </ul> <h3 style="text-align: justify; ">AACP ଅଧିନରେ ସେବା</h3> <ul style="text-align: justify; "> <li><strong>ଯୋଗ୍ୟ ଦଳ :</strong>ପାଠ ପଢୁଥିବା ଓ ପାଠ ଛାଡି ଘରେ ଥିବା ୧୦-୧୯ ବର୍ଷ ବୟସର କିଶୋରୀବାଳିକା ।</li> <li><strong>IFA ବଟିକା ଯୋଗାଣ : </strong>ସ୍କୁଲରେ ପଢୁଥିବା କିଶୋରୀ ଯେଉଁମାନେ IFA ବଟିକା ଖାଇ ନାହାଁନ୍ତି ଓ ଯେଉଁମାନେ ସ୍କୁଲକୁ ଯାଉ ନାହାଁନ୍ତି ସେହି କିଶୋରୀମାନଙ୍କୁ ଅଙ୍ଗନୱାଡି କର୍ମୀଙ୍କ ତଦାରଖରେ ସପ୍ତାହକୁ ଥରେ IFA ବଟିକା ଯୋଗାଇ ଦିଆଯିବ ।</li> <li><strong>ପୁଷ୍ଟି ଓ ସ୍ଵାସ୍ଥ୍ୟ ସମ୍ବନ୍ଧୀୟ ଶିକ୍ଷା :</strong>କେନ୍ଦ୍ରରେ ନିର୍ଦ୍ଧାରିତ ସାପ୍ତାହିକ ସ୍ଵାସ୍ଥ୍ୟ ଦିବସରେ ଅଙ୍ଗନୱାଡୀ କର୍ମୀ କିଶୋରୀବାଳିକା ମାନଙ୍କୁ ସ୍ଵାସ୍ଥ୍ୟ, ପୁଷ୍ଟି, ପରିଷ୍କାର ପରିଚ୍ଛନ୍ନତା, ବିଶୁଦ୍ଧ ପାନୀୟ ଜଳ ଓ ବ୍ୟକ୍ତିଗତ ପରିଷ୍କାର ପରିଚ୍ଛନ୍ନତା ସମ୍ବନ୍ଧରେ ଶିକ୍ଷା ଦେବେ ।</li> <li><strong>ସ୍ଵାସ୍ଥ୍ୟ ପରୀକ୍ଷା ଓ ପରାମର୍ଶ ସେବା :</strong>ତ୍ରୟମାସିକ କିଶୋରୀ ସ୍ଵାସ୍ଥ୍ୟ ମେଳା / କିଶୋରୀ ଦିବସରେ କିଶୋରୀମାନଙ୍କର ଓଜନ, ଉଚ୍ଚତା ଓ BMI ଯାଞ୍ଚ କରାଯିବା ସହିତ ସ୍ଵାସ୍ଥ୍ୟ ପରୀକ୍ଷା କରାଯିବ ଓ ତଦନୁଯାୟୀ ପରାମର୍ଶ ସେବାପାଇଁ ପଠାଯିବ । ସେଠାରେ ମଧ୍ୟ ପୁଷ୍ଟିକର ଖାଦ୍ୟର ପ୍ରଦର୍ଶନ କରାଯିବ ।</li> </ul> <h3 style="text-align: justify; ">ସବଳା ଯୋଜନା ଅଧିନସ୍ଥ</h3> <ul style="text-align: justify; "> <li>କିଶୋରୀବାଳିକା ମାନଙ୍କ ରକ୍ତହୀନତା ନିୟନ୍ତ୍ରଣ କାର୍ଯ୍ୟକ୍ରମ ଅଧିନସ୍ଥ ସମସ୍ତ ସେବା ଯଥା IFA ବଟିକା ପ୍ରଦାନ, ସ୍ଵାସ୍ଥ୍ୟ ପରୀକ୍ଷା ଓ ପରାମର୍ଶ ସେବା, ଓ ସ୍ଵାସ୍ଥ୍ୟ / ପୁଷ୍ଟି ସମ୍ବନ୍ଧୀୟ ଶିକ୍ଷା । </li> <li>ପରିପୂରକ ପୁଷ୍ଟିସାଧନ : ୧୧ ରୁ ୧୪ ବର୍ଷର ସ୍କୁଲ ଛାଡିଥିବା ସମସ୍ତ କିଶୋରୀବାଳିକା ଏବଂ ୧୪ ରୁ ୧୮ ବର୍ଷର ସମସ୍ତ କିଶୋରୀ ବାଳିକାଙ୍କ ନିମନ୍ତେ ୬୦୦ କ୍ୟାଲୋରୀ ଏବଂ ୧୮ରୁ ୨୦ ଗ୍ରାମ୍ ପୁଷ୍ଟିସାର (ମୂଲ୍ୟ ୫ ଟଙ୍କା ଦୈନିକ)ଖାଦ୍ୟ ପ୍ରଦାନ କରାଯିବ । </li> <li>ପରିବାର ନିୟନ୍ତ୍ରଣ, କିଶୋରୀ ପ୍ରଜନନ ଓ ଯୌନ ସ୍ଵାସ୍ଥ୍ୟ, ଶିଶୁ ଯତ୍ନ ସମ୍ବନ୍ଧୀୟ ସୁଅଭ୍ୟାସ ଓ ଗୃହ ପରିଚାଳନା ସମ୍ବନ୍ଧୀୟ ପରାମର୍ଶ ଦିଆଯିବ ।</li> <li>ଜୀବନ କୌଶଳ ଶିକ୍ଷା ଏବଂ ଲୋକାଭିମୁଖି ସେବା (ଆନୁଷ୍ଠାନିକ ଓ ଅଣ ଆନୁଷ୍ଠାନିକ ଶିକ୍ଷା ମାଧ୍ୟମରେ ସେମାନଙ୍କୁ ମୁଖ୍ୟ ସ୍ରୋତରେ ମିଶାଯିବ )</li> <li>ଧନ୍ଦାମୂଳକ ତାଲିମ (୧୬ ବର୍ଷ ଏବଂ ତଦୁର୍ଦ୍ଦ କିଶୋରୀ)ଶ୍ରମ ମନ୍ତ୍ରଣାଳୟ ଦ୍ଵାରା ଗୃହିତ ଧନ୍ଦାମୂଳକ ତାଲିମ ପ୍ରଦାନ କରାଯିବ । </li> </ul> <h3 style="text-align: justify; ">AACP ଏବଂ ସବାଳ ଯୋଜନା</h3> <p style="text-align: justify; ">AACP ଏବଂ ସବାଳ ଯୋଜନାରେ ଅଙ୍ଗନୱାଡୀ କର୍ମୀଙ୍କ ଦାୟିତ୍ଵ :-</p> <ul style="text-align: justify; "> <li>ତାଲିକା ଲିପିବଦ୍ଧ : ୧୦ - ୧୯ ବର୍ଷ ବୟସ ( ୧୧-୧୮ ବର୍ଷ ସବଳା ଯୋଜନାରେ ) ସମସ୍ତ କିଶୋରୀ ମାନଙ୍କ ତାଲିକା ପ୍ରସ୍ତୁତ । ନିମ୍ନଲିଖିତ ତାଲିକାରେ ଉଲ୍ଲେଖ କରାଯିବ :</li> <li>ପାଠ ଛାଡି ଥିବା କିଶୋରୀ </li> <li>ସ୍କୁଲ କୁ ଯାଉଥିବା କିଶୋରୀ </li> <li>କେତେଜଣ ବିବାହିତା କିଶୋରୀ ଅଛନ୍ତି ଯେଉଁମାନେ ଗର୍ଭବତୀ ଓ ପ୍ରସୂତି ହୋଇ ନାହାଁନ୍ତି । </li> <li>IFA ବଟିକାର ସୁପରିଚାଳନା ଅଙ୍ଗନୱାଡୀ କର୍ମୀ ପଞ୍ଜୀକରଣ କରିଥିବା କିଶୋରୀମାନଙ୍କର ୬ ମାସ ପାଇଁ ଆବଶ୍ୟକ IFA ବଟିକାର ତାଲିକା ପ୍ରଦାନ କରିବେ । <ul> <li>ସି.ଡି.ପି.ଓ ଙ୍କ ଠାରୁ ୩ ମାସର ଷ୍ଟକ୍ ଗ୍ରହଣ କରିବେ । </li> <li> ପ୍ରତିମାସ ଜମା ଓ ଖର୍ଚ୍ଚର ବିବରଣୀ ପ୍ରଦାନ କରିବେ। </li> </ul> </li> </ul> <h3 style="text-align: justify; ">କିଶୋରୀ ସଭା ପରିଚାଳନା</h3> <ul style="text-align: justify; "> <li>ପ୍ରତି ସପ୍ତାହରେ କିଶୋରୀମାନଙ୍କୁ ନେଇ ସ୍ତିରିକୃତ କିଶୋରୀ ଦିବସରେ ଅଙ୍ଗନୱାଡୀ କର୍ମୀ ଏକ ସଭା କରିବେ । </li> <li>କ୍ୟାଲେଣ୍ଡରର ବିଷୟବସ୍ତୁ ଅନୁଯାୟୀ ଅଙ୍ଗନୱାଡୀ କର୍ମୀ ରକ୍ତହୀନତା, ମାସିକ ଋତୁସ୍ରାବ ସମୟରେ ପରିଷ୍କାର ପରିଚ୍ଛନ୍ନତା ତଥା ସନ୍ତୁଳିତ ଆହାର ସମ୍ବନ୍ଧରେ ପୁଷ୍ଟି ଓ ସ୍ଵାସ୍ଥ୍ୟ ଶିକ୍ଷା ଦେବେ । </li> <li>IFA ବଟିକା ଖାଉଛନ୍ତି ନା ନାହିଁ ପରିଦର୍ଶନ କରିବା ସଙ୍ଗେ ସଙ୍ଗେ କିଶୋରୀବାଳିକା ମାନଙ୍କୁ ଏଥିନିମନ୍ତେ ବ୍ୟବହୃତ କାର୍ଡପୂରଣ କରିବାରେ ସାହାଯ୍ୟ କରିବେ । </li> <li>ଲିପିବଦ୍ଧ ଓ ରିପୋର୍ଟ ପ୍ରଦାନ :AACP ର ନଥିପତ୍ରକୁ ନିୟମିତ ପୂରଣ କରିବେ ଏବଂ ତଦନୁଯାୟୀ ମାସିକ ପ୍ରଗତି ବିବରଣୀ ପ୍ରଦାନ କରିବେ । </li> </ul> <h3 style="text-align: justify; ">କିଶୋରୀ ସ୍ଵାସ୍ଥ୍ୟ ମେଳା</h3> <ul style="text-align: justify; "> <li>ପ୍ରତିଦିନ ମାସରେ ଥରେ ଗ୍ରାମ୍ୟ ସ୍ଵାସ୍ଥ୍ୟ ଓ ପୁଷ୍ଟି ଦିବସରେ ବା ଯେ କୌଣସି ସ୍ଥିରିକୃତ ଦିବସରେ କିଶୋରୀ ବାଳିକା ମାନଙ୍କର ସ୍ଵାସ୍ଥ୍ୟ ପରୀକ୍ଷା କରାଯାଏ । </li> <li>କିଶୋରୀ ମାନଙ୍କର ଓଜନ, ଉଚ୍ଚତା BMI ଓ ରକ୍ତରେ ଲୌହସାରର ପରିମାଣ ଲିପିବଦ୍ଧ କରାଯାଏ । </li> <li>ସ୍ଵାସ୍ଥ୍ୟ ଓ ପରିଷ୍କାର ପରିଚ୍ଛନ୍ନତା ସମ୍ବନ୍ଧୀୟ ସାଧାରର ଭାବେ ପଚରାଯାଉଥିବା ପ୍ରଶ୍ନଗୁଡିକ ଉପରେ ଆଲୋଚନା କରାଯାଇ ସନ୍ଦେହ ମୋଚନ କରାଯାଏ । </li> </ul> <h3 style="text-align: justify; ">ପରିପୂରକ ପୁଷ୍ଟି ସାଧନ (ସବଳା)</h3> <p style="text-align: justify; ">କିଶୋରୀ ବାଳିକା ମାନଙ୍କ ପାଇଁ ଉର୍ଦ୍ଧିଷ୍ଟ ପୁଷ୍ଟିବ୍ୟବସ୍ଥା ଅନୁଯାୟୀ ଖାଦ୍ୟ ପରିଚାଳନା ଏବଂ ବଣ୍ଟନ କରାଯିବ ।</p> <h3 style="text-align: justify; ">ଗୃହ ପରିଦର୍ଶନ</h3> <p style="text-align: justify; ">୨ ବା ୩ ଜଣ କିଶୋରୀ ବାଳିକାଙ୍କୁ ସାଙ୍ଗରେ ନେଇ ଅଙ୍ଗନୱାଡୀ କିଶୋରୀ ବାଳିକା ମାନଙ୍କ ଉପରେ ଉପୁଜୁଥିବା ସମସ୍ୟା ଗୁଡିକ ସମ୍ବନ୍ଧରେ ଗୃହ ପରିଦର୍ଶନ ସମୟରେ ଆଲୋଚନା କରିବେ ।</p> <p style="text-align: justify; "><strong>ଆଧାର -</strong> Women and Child Development Department</p> </div>