<div id="MiddleColumn_internal"> <h3>प्रस्तावना</h3> <p style="text-align: justify; ">आदिवासी संशोधन व प्रशिक्षण संस्था १ मे १९६२ रोजी पुणे येथे केंद्र सरकार पुरस्कृत योजनेंतर्गत सुरु करण्यात आली. या संस्थेचे आयुक्त हे प्रमुख आहेत व संस्थेच्या दैनंदिन कामकाजासाठी त्यांना सहाय्य करण्यासाठी एक सहा संचालक व एक उपसंचालक कार्यरत आहेत.</p> <h3 style="text-align: justify; ">संस्थेची उद्दिष्टे <b><br /></b></h3> <p style="text-align: justify; "><b> </b></p> <ol> <li>केंद्र व राज्य शासनामार्फत आदिवासी समाजाच्या आर्थिक, शैक्षणिक व सामाजिक विकासाकरिता राबवण्यात येणाऱ्या विविध योजनांच्या आदिवासी जीवनावर झालेल्या परिणामांचे मूल्यमापन करणे.</li> <li>आदिवासी जीवन व विकास या विषयावर संशोधन करणे.</li> <li>आदिवासी विकास विभागात कार्यरत अधिकारी व कर्मचारी यांच्यासाठी सेवांतर्गत प्रशिक्षण तसेच आदिवासी विद्यार्थ्याकरता सेवापूर्व प्रशिक्षण कार्यक्रम राबवणे.</li> <li>आदिवासींसाठी प्रशिक्षण सत्रांचे आयोजन करणे.</li> <li>आदिवासी कळा व संस्कृती जतन करण्यासाठी आदिवासी सांस्कृतिक संग्रहालय चालवणे व हस्तकला प्रदर्शन, लघुपटाची निर्मिती करणे.</li> <li>अनुसूचित जमाती प्रमाणपत्र तपासणी समित्यांच्या कामकाजावर प्रशासकीय नियंत्रण ठेवणे.</li> </ol> <h3>संशोधन शिष्यवृत्ती <b><br /></b></h3> <p style="text-align: justify; "><b> </b></p> <p style="text-align: justify; ">आदिवासी संशोधन व प्रशिक्षण संस्थेकडून दरवर्षी दोन विद्यर्थ्यांना संशोधन अधिछात्रवृत्ती देण्यात येते. आदिवासी जमातींचा अभ्यास करण्यास प्रोत्साहन मिळण्याच्या उद्देशाने ही शिष्यवृत्ती या संस्थेकडून देण्यात येते. तसेच केंद्र शासनाकडून देण्यात येणाऱ्या डॉक्टरल रिसर्च फेलोशिप व पोस्ट डॉक्टरल रिसर्च फेलोशिपसाठीचे राज्यातील विद्यार्थ्यांचे अर्ज ही संस्था केंद्राकडे शिफारशीसह पाठवते. आलेल्या अर्जामधून राष्ट्रीय पातळीवर २५ विद्यार्थ्यांना ही फेलोशिप मिळते.</p> <p style="text-align: justify; "> </p> <p style="text-align: justify; "><b>संदर्भ : नॅशनल सेंटर फॉर अॅडव्होकसी स्टडीज, पुणे.</b></p> </div>